Gold Silver Rate Today 8 June 2024 : दोनच दिवसांत सोने-चांदीची उंच भरारी, केंद्रातील शपथविधीपूर्वी असे वधारले भाव

केंद्रात सत्ता स्थापन्याच्या हालचालींना वेग आला आहे. दिल्लीत शपथविधीची लगबग सुरु झाली आहे. केंद्रात NDA चे तिसऱ्यांदा सरकार येत आहे. एनडीएने विक्रम रचला आहे. तर दुसरीकडे सोने-चांदी पण विक्रमाच्या दिशेने आगेकूच करत आहे. गेल्या दोन दिवसांत मौल्यवान धातूंनी मोठी झेप घेतली आहे. चांदीने मोठी भरारी घेतली आहे. सोन्याने पण मोठा पल्ला गाठला आहे. काय आहे बेशकिंमती धातूची किंमत? (Gold Silver Price Today 8 June 2024 )

सोने हजाराने वधारले

या आठवड्यात सोने 1700 रुपयांनी वधारले. 3 जूनला किंमतीत 440 रुपये, 4 जूनला सोन्याने 700 रुपयांची भरारी घेतली. तर 5 जूनला 220 रुपयांनी भाव उतरले. 6 जून रोजी सोने 700 रुपयांनी वधारले. 7 जून रोजी किंमतीत 300 रुपयांची वाढ झाली. गुडरिटर्न्सनुसार, आता 22 कॅरेट सोने 67,750 रुपये प्रति 10 ग्रॅम तर 24 कॅरेट सोन्याचा भाव 73,900 रुपये प्रति 10 ग्रॅम आहे.

हे सुद्धा वाचा

Parliament Security Breach : संसदेतील घुसखोरीप्रकरणात मोठी अपडेट, दिल्ली पोलिसांचा तपास पूर्ण, या कायद्यातंर्गत चालणार खटला

Narendra Modi : नितीश कुमार यांचे मोदींच्या पायाला हात लावू दर्शन, मोदी झाले संविधानासमोर नतमस्तक; दोन चित्र ज्याची दिवसभर चर्चा

Narendra Modi : काँग्रेसला 10 वर्षानंतरही 100 चा आकडा गाठता आला नाही, तीन निवडणुकांचे आकडे…; नरेंद्र मोदी यांची डिवचले

Narendra Modi : एनडीएच्या विजयाचा मूलमंत्र काय?; मोदी म्हणाले, जिथे कमी, तिथे…

चांदीची 5500 रुपयांची उसळी

या आठवड्यात 3 जूनला चांदी 700 रुपयांनी स्वस्त झाली. 4 जूनला 1200 रुपयांनी महागली. 5 जूनला 2300 रुपयांनी भाव उतरला. 6 जून रोजी 1800 रुपयांनी तर 7 जूनला 2500 रुपयांनी भाव वधारला. या आठवड्यात चांदीने 5500 रुपयांची उसळी घेतली. गुडरिटर्न्सनुसार, एक किलो चांदीचा भाव 96,000 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोने उतरले तर चांदी वधारली. 24 कॅरेट सोने 71,913 रुपये, 23 कॅरेट 71,625 रुपये, 22 कॅरेट सोने 65,872 रुपये झाले. 18 कॅरेट 53,935 रुपये, 14 कॅरेट सोने 42,069 रुपये प्रति 10 ग्रॅमवर पोहचले. एक किलो चांदीचा भाव 90,535 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

किंमती मिस्ड कॉलवर

22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता