Gold Silver Rate Today 22 August 2024 : सोन्याचे दौडा दौडा भाग भागसा, चांदीने घेतली विश्रांती, काय आहेत आज भाव तरी

सोने चांदी भाव काय

या आठवड्यात सोन्याने जोरदार आघाडी उघडली आहे. तर चांदीने दरवाढीच्या वारुला आवर घातली आहे. गेल्या आठवड्यात सोन्याने 600 रुपयांची दरवाढ नोंदवली होती. या आठवड्याच्या मध्यातच सोन्याच्या भाववाढीने ग्राहकांचे डोळे दिपले आहेत. तर चांदीने दरवाढीला आवर घातली आहे. आठवड्याच्या अखेरीस किंमती किती वाढतात, याकडे ग्राहकांचे लक्ष लागले आहे. आता असे आहेत मौल्यवान धातूचे भाव (Gold Silver Price Today 22 August 2024 )

सोन्याची 600 रुपयांची भरारी

या आठवड्यात सोन्याने 600 रुपयांची भरारी घेतली आहे. सुरुवातीला भावात कोणताच बदल झाला नाही. तर दोन दिवसांपूर्वी 20 ऑगस्ट रोजी 120 रुपयांची घसरण झाली. 21 आणि 22 ऑगस्ट रोजी सोने अनुक्रमे 550 आणि 10 रुपयांनी वधारले. गुडरिटर्न्सनुसार, आता 22 कॅरेट सोने 67,260 रुपये प्रति 10 ग्रॅम तर 24 कॅरेट सोन्याचा भाव 73,360 रुपये प्रति 10 ग्रॅम आहे.

चांदीने घेतली विश्रांती

गेल्या आठवड्यात चांदीने 4,000 रुपयांची उसळी घेतली होती. सोमवारी आणि बुधवारी किंमतीत कोणताच बदल दिसला नाही. मंगळवारी 20 ऑगस्ट रोजी चांदी एक हजार रुपयांनी वधारली होती. आज 22 ऑगस्ट रोजी सकाळच्या सत्रात किंमती 100 रुपयांनी स्वस्त झाल्या. गुडरिटर्न्सनुसार, एक किलो चांदीचा भाव 86,900 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 71,719, 23 कॅरेट 71,432, 22 कॅरेट सोने 65,695 रुपयांवर घसरले. 18 कॅरेट आता 53,789 रुपये, 14 कॅरेट सोने 41,956 रुपये प्रति 10 ग्रॅमवर आहे. एक किलो चांदीचा भाव 84,913 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.