Gold Silver Rates Today : स्वस्तात सोने खरेदीची संधी! भावात जोरदार घसरण, चांदीने घेतली उसळी

सोन्यात घसरण

नवी दिल्ली : भारतीय सराफा बाजारात (Sarafa Market) आज 27 जानेवारी 2023 रोजी सोन्याच्या दरात (Gold Price Today) घसरण झाली. तर चांदीच्या किंमतीत वाढ झाली. सोन्याची किंमत 57 हजार रुपये प्रति 10 ग्रॅमपेक्षा अधिक होती. तर चांदीचा भाव 68 हजार रुपयांपेक्षा जास्त होता. राष्ट्रीय स्तरावर 999 शुद्धतेचे 24 कॅरेट 10 ग्रॅम सोन्याची किंमत 57,062 रुपये आहे. तर 999 शुद्ध चांदीचा भाव (Silver Price Today) 68,350 रुपये आहे. इंडिया बुलिनय अँड ज्वेलर्स असोसिएशननुसार, (Indian Bullion And Jewellers Association) बुधवारी संध्याकाळी 24 कॅरेट 10 ग्रॅम सोन्याची किंमत 57,138 रुपये होती. शुक्रवारी सकाळी हा भाव 57,062 झाला. शुद्धतेच्या आधारावर सोने स्वस्त झाले तर चांदीच्या किंमतींनी उसळी घेतली.

ibjarates.com या अधिकृत संकेतस्थळानुसार, आज सकाळी 995 शुद्ध 10 ग्रॅम सोन्याचा भाव घसरला. हा दर 56,834 रुपयांवर पोहचला. तर 916 शुद्ध सोने आज 52,269 रुपयांवर पोहचले. शुद्ध सोन्यात घसरण झाली. तर चांदीची किंमत वधारली.

750 शुद्ध सोन्याचे दर 42,797 रुपये प्रति दहा ग्रॅमवर आले. 585 शुद्ध सोने आज स्वस्त झाले. 10 ग्रॅम सोन्याची किंमत 33,381 रुपयांवर पोहचली. तर 999 शुद्ध एक किलो चांदीची किंमत 68,350 रुपये होती.

भारतीय मानके संस्थेद्वारे (Indian Standard Organization-ISO) सोन्याची शुद्धता ओळखण्यासाठी हॉलमार्क देण्यात येतो. 24 कॅरेट सोन्याच्या दागिन्यांवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 अंकीत असते.

अनेक ठिकाणी ग्राहक 22 कॅरेट आणि 24 कॅरेट सोन्याची आग्रहाने मागणी करतात. या दोन्ही प्रकारच्या सोन्याची मोठ्या प्रमाणात विक्री होते. काही लोक 18 कॅरेट सोन्याचा वापर करतात. जेवढा कॅरेट सोने असेल, तेवढे सोने शुद्ध ठरते.

24 कॅरेट सोने 99.9% शुद्ध असते. 22 कॅरेट सोने जवळपास 91 टक्के शुद्ध होते. 22 कॅरेट सोन्यात 9% इतर धातू असतात. त्यात तांबे, चांदी, झिंक यांचा वापर करुन दागिने तयार करण्यात येतात. 24 कॅरेट सोने दमदार असते. पण त्याचा दागिने तयार करण्यासाठी वापर होत नाही. त्यामुळे अनेक सराफा दुकानदार 22 कॅरेट सोन्याची विक्री करतात.

ibja केंद्र सरकारने घोषीत केलेल्या सुट्यांच्या दिवशी, शनिवार आणि रविवारी दर जाहीर करत नाही. 22 कॅरेट आणि 18 कॅरेट सोन्याच्या किरकोळ भाव जाणून घेण्यासाठी ग्राहकांना 8955664433 या क्रमांकावर मिस्ड कॉल द्यावा लागेल. याशिवाय एसएमएस करुनही किंमती माहिती करुन घेता येईल.

आंतरराष्ट्रीय बाजारात सोन्याच्या किंमतीत वाढ झाली आहे. त्यामुळे केंद्र सरकारने बेस इंपोर्ट प्राईसमध्ये (Base Import Price) वाढ केली आहे. तर चांदीवरील बेस इंपोर्ट प्राईस घटवली. त्याआधारे सोने-चांदी आयात करणाऱ्या व्यापाऱ्यांवर कर आकारण्यात येईल.