Income Tax : इनकम टॅक्स वाचवायचा आहे, मग हा उपाय आहे ना..परताव्यासह कर सवलतही
Income Tax : प्राप्तिकर वाचवायचा असेल तर अनेक सरकारी योजना तुम्हाला मदत करु शकतात. बचतीसोबत तुम्हाला कर ही वाचवता येईल..
नवी दिल्ली : जर तुम्ही नोकरी करत असाल आणि तुम्हाला कर भरावा (Tax Payer) लागत असेल तर ही बातमी तुमच्यासाठीच. वेतनात (Payment) वाढ होते, तसा करही (Tax) वाढतो. कर वाचवण्यासाठी तुम्हाला अनेक जण सल्ले देतील. पण योग्य सल्लाच तुम्हाला फायदेशीर ठरतो. गुंतवणुकीतून (Investment) फायद्यासह कर बचत झाल्यास ही गुंतवणूक तुमच्यासाठी ‘बोनस’ ठरेल.
तुम्हाला सरकारी योजनांमध्ये गुंतवणूक केल्यास असा बोनस मिळू शकतो. तुम्हाला गुंतवणुकीवर चांगला परतावा (Good Returns) तर मिळेलच पण कर ही भरावा लागणार नाही. या सरकारी योजनांमध्ये (Government Scheme) गुंतवणूक (Investment) केल्यास तुम्ही सहज कर बचत करू शकता.
सार्वजनिक भविष्य निर्वाह निधी, पब्लिक प्रोव्हिडंट फंडात (PPF) गुंतवणूक केल्यास कर बचत होऊ शकते. यामध्ये गुंतवणूक केल्यास तुम्हाला चांगला परतावा मिळू शकतो. या योजनेतंर्गत तुम्हाला 7.1% टक्क्यांपर्यंत परतावा मिळू शकतो. या योजनेत तुम्ही वार्षिक 1.50 लाख रुपयांपर्यंत गुंतवणूक करु शकता. आयकर नियम 80C अंतर्गत योजनेत कर सवलत देण्यात येते.
कर्मचारी भविष्य निर्वाह निधी खात्यातंर्गत (EPF) तुम्ही गुंतवणूक करणार असाल तर तुम्हाला या योजनेत 8.1% पर्यंत व्याज दर मिळेल. या योजनेत आयकर नियम 80C अंतर्गत 1.5 लाख रुपयांपर्यंत कर सवलत मिळेल. त्यामुळे तुम्ही सहज कर बचत करु शकाल.
बँकांच्या कर बचत मुदत ठेव योजनांमधील गुंतवणूकही फायदेशीर ठरते. गुंतवणूकदारांना या योजनेतंर्गत 1.5 लाख रुपयांपर्यंत कर बचतीचा लाभ घेता येतो. गुंतवणुकीपूर्वी या योजनेचा कालावधी केवळ 5 वर्षे असतो हे लक्ष्यात असू द्या.
राष्ट्रीय निवृत्ती योजनेत (NPS) गुंतवणूक केल्यास तुम्हाला आयकर नियम 80CCE अनुसार कर सवलत मिळते. यामध्ये गुंतवणूक केल्यावर तुम्हाला आयकर सवलतीसोबतच निवृत्तीकाळातही फायदा मिळतो. त्यामुळे तुमच्या अनेक समस्या दूर होतात.
ELSS म्युच्यूअल फंडात गुंतवणूक करुन तुम्हाला चांगला परतावा मिळवता येतो. कर सवलत मिळते. या योजनेतंर्गत गुंतवणूकदाराला आयकर नियम 80सी अंतर्गत 1.5 लाख रुपयांपर्यंतची गुंतवणूक करता येते. या योजनेचा लॉक-इन पिरियड 3 वर्षे इतका आहे.
