Multibagger Share : 7 रुपयांचा शेअर,फायदा सात पट ; प्रत्येक महिन्याला 40 टक्क्यांचा रिटर्न

गुंतवणूकदारांची गरिबी केली दूर

शेअर बाजारात अनेक गुंतवणूकदार दमदार पेनी शेअर शोधतात. कारण आज ज्या नामचिन कंपन्या आहेत. त्यांचे शेअर कधीकाळी आजच्या मानाने स्वस्त होते. ज्यांनी त्यावेळी गुंतवणूक केली. ते आज मालामाल झाले आहेत. पेनी स्टॉक कमी किंमतीत मिळतो आणि भविष्यात मोठा रिटर्न देण्याची क्षमता ठेवतो. योग्य पेनी स्टॉक मिळाल्यास या संधीचे मोठं सोनं होतं. या 7 रुपयांच्या स्टॉकने अशीच कमाल कामगिरी करुन दाखवली आहे. तो वधारुन आता 55 रुपयांपर्यंत पोहचला आहे.

5 महिन्यात जबरदस्त रिटर्न

1. मार्सन्स लिमिटेडच्या शेअरने भरभक्कम कामगिरी करुन दाखवली. डिसेंबर 2023 मध्ये हा स्टॉक केवळ 7.75 रुपयांवर होता. त्यानंतर त्याने मोठी झेप घेतली. हा स्टॉक 55.46 रुपयांवर पोहचला. यावर्षी जानेवारी महिन्यापासून ते आतापर्यंत या शेअरने 600 टक्क्यांची भरारी घेतली आहे. म्हणजे या 6 महिन्यात या शेअरने 6 पट रिटर्न दिला आहे.
2. एका वर्षात या शेअरने 8 टक्क्यांनी जास्त रिटर्न दिला आहे, त्यामुळे गुंतवणूकदारांचा चेहरा खुलला आहे. हा स्टॉक 25 जुलै 2023 रोजी 52 आठवड्यातील निच्चांकावर 4.95 रुपयांवर होता. आता तो 998.5 टक्के वधारला आहे.
हे सुद्धा वाचा

‘त्या’ विधानानंतर चंद्रकांतदादांना बारामतीला यायला मज्जाव?,अजितदादांनी सांगितलं आतलं राजकारण

शरद पवारांचे विलीनीकरणाचे संकेत;खरंच हे पक्ष बांधतील काँग्रेससोबत मोट?

Gold Silver Rate Today 9 May 2024 : ग्राहकांना मोठा दिलासा; सोने झाले स्वस्त तर चांदी नरमली, अशा आहेत किंमती

चहा विकून तो झाला करोडपती; Video पाहुन नाही बसणार विश्वास

3. मार्सन्स लिमिटेडच्या शेअरमध्ये सलग पाचव्या महिन्यात तेजी दिसून आली. एप्रिल महिन्यात हा स्टॉक जवळपास 37 टक्के, मार्च महिन्यात 39 टक्के, फेब्रुवारी महिन्यात 45 टक्के आणि जानेवारी 2024 मध्ये या मल्टिबॅगर स्टॉकने 135.5 टक्क्यांचा जोरदार परतावा दिला. मे महिन्यात आतापर्यंत या स्टॉकने 8 टक्क्यांहून अधिकची उसळी घेतली आहे.

1 वर्षापूर्वी 53 रुपये भाव

दुसरी एक कंपनी जय बालाजी कंपनीचा शेअर 25 एप्रिल 2023 रोजी 53.03 रुपये प्रति शेअर असा होता. आता हा शेअर 1,085 रुपयांवर पोहचला होता. तो आता घसरुन 967 रुपयांवर आला आहे. एका वर्षाचा विचार करता या शेअरने 1084 टक्क्यांचा परतावा दिला आहे.गेल्या महिनाभरात या शेअरने 16.89 टक्क्यांचा परतावा दिला. याशिवाय सहा महिन्यात या शेअरने 87.21 टक्क्यांची चढाई केली. एका वर्षात कंपनीचे मार्केट कॅप 771.32 कोटी रुपयांहून 18,744.48 कोटी रुपयांवर पोहचले.

सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल. पेनी शेअरमध्ये गुंतवणूक करताना जागरुक राहा. कंपनीचे फंडामेंटल तपासा. भूलथापांना अजिबात बळी पडू नका.