निकाल लागताच भारतातील दोन बड्या अब्जाधीशांना मोठा धक्का; सेन्सेक्स प्रमाणे संपत्तीही घटली

देशातीलच नाही तर आशियातील दोन श्रीमंत उद्योगपतींना लोकसभा निकालाचा मोठा फटका बसला. गौतम अदानी आणि मुकेश अंबानी यांच्यासाठी मंगळवार हा घात वार ठरला. आकडेवारीनुसार, या दोघांना संयुक्तपणे 2.82 लाख कोटींचे नुकसान झाले आहे. ब्लूमबर्ग बिलेनिअर्स इंडेक्सनुसार, गौतम अदानी यांच्या संपत्तीत एकाच दिवसात मोठा खड्डा पडला. त्यांचे कोट्यवधींचे नुकसान झाले.

हिंडनबर्गपेक्षा मोठा फटका

हिंडनबर्ग रिसर्चच्या अहवालानंतर अदानी समूहत त्सुनामी आली होती. बाजारात त्यांचे शेअर पत्त्यासारखे कोसळले होते. अदानी यांच्या नेटवर्थमध्ये जवळपास 25 दशलक्ष डॉलर संपत्ती स्वाहा झाली. या घसरणीच्या कारणामुळे अदानी श्रीमंतांच्या यादीत घसरुन खाली आले. तर दुसरीकडे मुकेश अंबानी यांच्या संपत्तीत जवळपास 9 अब्ज डॉलरची घसरण दिसून आली.

हे सुद्धा वाचा

Explainer : NDA ला का झटका देऊ शकतात नितीश बाबू आणि चंद्रबाबू नायडू, भाजपसोबत घरोब्याचे कारण पण घ्या जाणून

भाजपवर दबाव सुरू, नितीश कुमार, चंद्रबाबूंच्या ‘त्या’ मागणीने मोदींना टेन्शन, मिलीजुली सरकारचा ट्रेलर सुरू

Manoj Jarange : लोकसभेचा निकाल येताच मनोज जरांगे पाटलांचा फडणवीसांवर हल्लाबोल; दिला असा इशारा

अमित शाह यांची फोनाफोनी, मित्र पक्षांना डिनर, दिल्लीत राजकीय घडामोडी वाढल्या

अदानी यांच्या संपत्तीत घसरणीचा रेकॉर्ड

गौतम अदानी यांनी नुकतेच मुकेश अंबानी यांना संपत्तीत मागे टाकले होते. ते आशियातील सर्वात श्रीमंत उद्योजक ठरले होते. मंगळवारी त्यांना मोठा झटका बसला. त्यांच्या शेअरमध्ये जवळपास 6 टक्क्यांची घसरण दिसून आली. त्याचा थेट परिणाम अदानी यांच्या नेटवर्थवर दिसून आला. ब्लूमबर्ग बिलेनिअर्स इंडेक्सनुसार, अदानी यांच्या संपत्तीत जवळपास 25 अब्ज डॉलर म्हणजे 2 लाख कोटी रुपयांचा फटका बसला. इतके नुकसान हिंडनबर्गच्या अहवालावेळी सुद्धा झाले नव्हते.

अदानी यांची नेटवर्थ किती?

ब्लूमबर्ग बिलेनिअर्स इंडेक्सच्या आकडेवारीनुसार, संपत्तीत घसरणीमुळे अदानी यांची नेटवर्थ 97.5 अब्ज डॉलरने घसरली. तर एका दिवसांपूर्वी त्यांच्या संपत्तीचा आकडा 122 अब्ज डॉलरपेक्षा अधिक होता. अदानी यांची इतकी संपत्ती जानेवारी 2023 च्या अखेरीस दिसली होती. मंगळवारी अदानी यांची संपत्ती एकदम घसरुन खाली आली. आत अदानी हे आशियातील सर्वात श्रीमंत उद्योजक राहिले नाहीत. त्यांना ग्लोबल रिच लिस्टमध्ये पण झटका बसला. Bloomberg Billionaire Index नुसार, ते आता जगातील 11 वे नाही तर 15 वे श्रीमंत उद्योगपती ठरले आहेत. यादीत चार स्थानांची घसरण झाली आहे.

अंबानी यांच्या संपत्तीत मोठी घसरण

मुकेश अंबानी यांच्या संपत्तीत पण मोठी घसरण झाली. आकडेवारीनुसार, मुकेश अंबानी यांच्या संपत्तीत जवळपास 9 अब्ज डॉलर म्हणजे म्हणजे 75 हजार कोटी रुपयांहून अधिकचे नुकसान झाले. त्यामुळे त्यांची संपत्ती 106 अब्ज डॉलर इतकी राहिली आहे. वार्षिक आधारावर अजून पण त्यांचा फायदा दिसत आहे. त्यांच्या संपत्तीत 10 अब्ज डॉलरची वाढ दिसून आली. ते आता पुन्हा आशियातील सर्वात श्रीमंत उद्योगपती ठरले आहेत.