मुकेश अंबानी यांचे सुपुत्र अनंत अंबानी यांनी शिर्डी साई संस्थानला दिली तब्बल ‘इतकी’ देणगी!
मुकेश अंबानी यांचा मुलगा दिवाळीच्या मुहूर्तावर साईदर्शनासाठी शिर्डीत! किती देणगी दिली माहितीये?
शिर्डी : प्रसिद्ध उद्योगपती मुकेश अंबानी (Mukesh Ambani) यांचे सुपुत्र अनंत अंबानी (Anant Ambani) यांनी दिवाळीच्या मुहूर्तावर शिर्डीत हजेरी लावली. त्यांनी शिर्डीतील साई बाबा मंदिरात (Shirdi Sai Baba Temple) जाऊन दर्शन घेतलं. या भेटीदरम्यान, अनंत अंबानी यांनी शिर्डी साई संस्थानला तब्बल 1 कोटी 51 लाख रुपयांची देणगी दिली. मंदिर समितीच्या पदाधिकाऱ्यांकडे त्यांनी देणगीचा चेक सुपूर्द केला. याबाबत मंदिर समितीच्या वतीने अंबानी यांचे आभारही मानण्यात आले.
अनंत अंबानी यांनी साई बाबांच्या मध्यान्ह आरतीचा हजेरी लावली होती. साई संस्थानच्या वतीने मुख्य कार्यकारी अधिकारी भाग्यश्री बानायत यांनी अनंत अंबनी यांचं स्वागत केलं. अनंत अंबानी यांच्या शिर्डीच्या दौऱ्याच्या पार्श्वभूमीवर चोख बंदोबस्तही तैनात करण्यात आला होता.
पाहा व्हिडीओ :
दोन वेळा दौरा रद्द
या आधी ऑक्टोबर महिन्यात अनंत अंबानी यांनी शिर्डी जाण्याचा दौऱ्याचं नियोजन केलं होतं. मात्र महिन्याभरात दोन वेळा त्यांना वेगवेगळ्या कारणामुळे दौरा रद्द करावा लागला होता. अखेर त्यांनी दिवाळीचं निमित्त साधून साईनगरी जाऊन साईबाबांचं दर्शन घेतलं आणि प्रार्थना केली.
अनंत अंबानी यांनी शिर्डीज आधी साईबाबांच्या समाधीचं दर्शन घेतलं. त्यानंतर साईंचरणी 1.51 कोटी रुपयांच्या देणगीचे धनादेश अर्पण केला. अनंत अंबानी यांच्या शिर्डी दौऱ्याच्या पार्श्वभूमीवर मोठा पोलीस बंदोबस्तही तैनात करण्यात आला होता.
शिर्डीमध्ये दिवाळीच्या शुभ मुहूर्तावर साई बाबांचे अनेक भक्त दर्शनासाठी येत असतात. देशभरातील भाविक शिर्डीत दिवाळीला दर्शनासाठी येत असल्यानं मोठी गर्दीही होते.
दोन दिवसांपूर्वीच अनंत अंबानी यांनी मातोश्रीवर जाऊन उद्धव ठाकरे यांची भेट घेतली होती. तब्बल 3 तास अनंत अंबानी आणि उद्धव ठाकरे यांच्या मातोश्रीवर चर्चा झाली होती. राज्यातील सध्याच्या राजकीय घडामोडींच्या पार्श्वभूमीवर ही भेट महत्त्वाची मानली जात होती. या भेटीच्या दोन दिवसांनंतर अनंत अंबानी हे शिर्डी दौऱ्यावर गेल्याचं पाहायला मिळालंय.
