NPS Vatsalya : मुलांच्या वृद्धापकाळाची आताच करा की व्यवस्था; ही योजना संपवणार सर्व चिंता, पहिल्याच दिवशी देशभरात इतक्या हजार पालकांनी दाखवली ‘हुशारी’

NPS Vatsalya Scheme ला देशभरातून पहिल्याच दिवशी जोरदार प्रतिसाद मिळाला. मुलांचे भविष्य सुरक्षित करणाऱ्या या योजनेविषयी पालकांमध्ये उत्सुकता दिसून आली. या योजनेत पहिल्याच दिवशी मोठा प्रतिसाद दिसून आला. 18 सप्टेंबर 2024 रोजी केंद्रीय अर्थमंत्री निर्मला सीतारमण यांनी या योजनेचा शुभारंभ केला होता. आई-वडील जर मुलांच्या नावे लवकर या योजनेत गुंतवणूक करतील तर त्यांना कम्पाऊंडिंगाचा जोरदार फायदा होईल. या योजनेचे PFRDA व्यवस्थापन करत आहे. या योजनेची घोषणा 2024-25 केंद्रीय अर्थसंकल्पात करण्यात आली होती.

NPS Vatsalya योजनेला जोरदार प्रतिसाद

PFRDA ने या योजनेला मिळालेल्या प्रतिसादाची माहिती दिली आहे. NPS Vatsalya योजनेला तुफान प्रतिसाद मिळाला आहे. या योजनेत पहिल्याच दिवशी 9705 मुलांच्या नावे खाते उघडण्यात आले. यातील 2197 खाते ई-एनपीएस पोर्टलच्या माध्यमातून सुरू करण्यात आले आहे. या योजनेतंर्गत लहान मुलांची नाव नोंदणी करण्यात आली. PRAN Cards देण्यात आले. परमनंट रिटायरमेंट अकाऊंट नंबर त्यांना देण्यात आला आहे.

हे सुद्धा वाचा

NCP : विधानसभेच्या तोंडावर घड्याळावर घमासान; वेळ कुणाची चुकणार, वेळ कोण साधणार, चिन्हासाठी राष्ट्रवादीच्या दोन्ही गटात पुन्हा सुप्रीम लढाई

बिग बी, धकधक गर्लचं नाही तुम्हाला पण होता येईल मालामाल; IPO पूर्वीच कंपनीकडून कमाई कशी कराल?

Gold Silver Rate Today 21 September 2024 : सोने-चांदी सुसाट, आठवड्याच्या शेवटी दोन्ही धातूंचा मोठा प्रताप; ग्राहकांच्या तोंडचे पळाले की पाणी

छत्रपती संभाजीनगरात ‘वंदे भारत’चे चाक तयार होणार; शेंद्रा पंचतारांकित एमआयडीसीमध्ये तरुणांना मिळणार रोजगार

मुलांच्या भविष्यासाठी गुंतवणूक

एनपीएस वात्सल्य योजना हे सरकारचे महत्त्वपूर्ण पाऊल आहे. या योजनेत मुलांच्या भविष्याची चिंता असू नये यासाठी आतापासूनच गुंतवणूक करता येते. म्हणजे मूल तरुण होताच त्याच्या निवृत्ती काळाची व्यवस्था होते. त्याला व्याज आणि चक्रवाढ व्याजाचा मोठा फायदा होतो.

2000 रुपयांच्या SIP मध्ये 2.4 कोटींचा निधी

समजा तुमचे वय 30 वर्ष आहे. या योजनेत दरमहा तुम्ही 2000 रुपयांची SIP सुरु केली. त्यावर तुम्हाला सरासरी 12% परतावा मिळाला. तर निवृत्तीवेळी ही रक्कम 70 लाख इतकी होईल. जर तुम्ही 25 व्या वर्षी गुंतवणुकीला सुरुवात केली तर 2000 रुपयांच्या SIP मधून तुम्हाला निवृत्तीवेळी 1.3 कोटी रुपये मिळतील. तर 20 व्या वर्षात गुंतवणूक केली तर ही रक्कम 2.37 कोटी रुपये होईल.

 NPS Vatsalya योजनेसाठी कसा करणार अर्ज

आई-वडील बँक, टपाल खाते, पेन्शन फंड वा ई-एनपीएस प्लॅटफॉर्मच्या माध्यमातून एनपीएस वात्सल्य योजनेत सहभागी होऊ शकतो. ICICI Bank ने मुंबईतील सेवा केंद्रावर या योजनेची सुरुवात केली आहे. नवीन खात्यांची नोंद केली आणि तरुण ग्राहकांसाठी प्रतिकात्मक PRAN कार्ड दिले. ई-एनपीएस पोर्टलच्या माध्यमातून गुंतवणूक करता येते.