हा तर आधुनिक कर्ण, आतापर्यंत 80 कोटींचे शेअर केले दान

IDFC First Bank चे सीईओ व्ही वैद्यनाथन हे जणू आधुनिक कर्णच आहेत. त्यांनी मित्र, सहकारी, हितचिंतकांना आतापर्यंत मोठं मोठे गिफ्ट दिले आहे. ते कायम चर्चेत असतात. आता पण त्यांनी त्यांच्या कर्मचाऱ्यांना शेअर गिफ्ट दिले आहे. या शेअरची किंमत कोट्यवधी रुपये आहे. कधीकाळी या सहकाऱ्यांनी, मित्रांनी, हितचिंतकांनी त्यांना मोठी मदत केली. अगदी हजार रुपये वा त्यापेक्षा कमी खारीचा वाटा उचलणाऱ्यांना पण ते कधी विसरले नाहीत. त्यांनी या ऋणातून उतराई होण्याचाच प्रयत्न केला नाही तर, या सर्वांना मालामाल केले.

आतापर्यंत कोट्यधींचे गिफ्ट

आयडीएफसी फर्स्ट बँकेचे सीईओ आणि एमडी व्ही. वैद्यनाथन यांनी यावेळी 5 कोटी रुपयांहून अधिक मूल्य असलेल्या शेअरचे वाटप केले आहे. त्यांनी जुने सहकारी, हितचिंतकांना आयडीएफसी फर्स्ट बँकेचे 7 लाख शेअर दिले आहेत. या सर्वांचे बाजारातील मूल्य साडे पाच कोटींहून अधिक आहे. गिफ्ट देण्याची ही काही पहिली वेळ नाही. त्यांनी ओळखीच्या आणि गरजू लोकांना आतापर्यंत 80 कोटी रुपयांहून अधिकचे शेअर भेट म्हणून दिले आहेत.

हे सुद्धा वाचा

तुरुंगातून चालणार दिल्लीतील सरकार, CM केजरीवाल यांनी पहिला आदेश पण दिला

सोन्याने दिली ग्राहकांना आनंदवार्ता, चांदी मात्र इतकी महागली, काय आहेत किंमती

पीएफ खात्यात किती बाकी आहे रक्कम, माहिती करण्यासाठी उपयोगात आणा ही पद्धत

Mukesh Ambani यांच्या 3 आलिशान कार, किंमत वाचून फुटणार घाम

वैद्यनाथन यांच्याकडे इतके शेअर

सीईओ वैद्यनाथन यांच्याकडे आयडीएफसी फर्स्ट बँकेत जवळपास 1 टक्के वाटा आहे. त्यांनी यापूर्वी पण अनेक प्रसंगी लोकांना शेअर गिफ्ट केले आहेत. ज्यांना वैद्यनाथन यांनी शेअर भेट म्हणून दिले. त्यातील काही जण तर त्यांच्या ओळखीचे आहेत. तर काहीजणांना ते ओळखत सुद्ध नाहीत. पण गरजूंना शेअर देऊन त्यांनी त्यांच्यासाठी मोठी आर्थिक तरतूद करुन ठेवली आहे. या सर्व प्रक्रियेत अर्थातच वैद्यनाथन यांनी कोणताही मोबादला घेतलेला नाही.

उधारीच्या मोबदल्यात 2 कोटींचे शेअर

सेवानिवृत्त विंग कमांडर संपत कुमार यांनी वैद्यनाथन यांना कधीकाळी 1000 रुपये उधार दिले होते. त्यावेळी वैद्यनाथन संपत कुमार यांना ही रक्कम पण परत करु शकले नव्हते. त्यानंतर वैद्यनाथन यशाच्या शिखरावर पोहचले. पण एक हजारांची उधारी ते विसरले नाहीत. त्यांनी कुमार आणि त्यांच्या कुटुंबियांना शोधून काढले. त्यांना 2.5 लाखांचा शेअर गिफ्ट दिले. ही एक प्रकारे उधारी व्याजासहित चुकविण्याचे अनोखे उदाहरण म्हणावे लागेल. या शेअरचे मूल्य जवळपास 2 कोटी रुपये आहे.

या व्यक्तींना पण मदतीचा हात

वैद्यनाथन यांच्या दानशूरतेच्या अनेक कथा आहेत. त्यात त्यांनी त्यांच्या काही कर्मचाऱ्यांना घर खरेदीसाठी, प्लॉट खरेदीसाठी, कुटुंबांना आर्थिक मदत म्हणून, त्यांच्या आर्थिक सुरक्षिततेसाठी तर कधी कधी मैत्रीसाठी हजार आणि लाखो शेअर दान केले आहेत. यामध्ये कर्मचारीच नाही तर जुने सवंगडी, त्यांच्या संघर्षकाळात मदत करणारे, तर काहींना ते ओळखतही नाही, अशा व्यक्तींचा समावेश आहे.