Retail Shop : रिलायन्सला जबरदस्त टक्कर! छोट्या शहरात या कंपनीचा ‘बिग बाजार’, असा आहे खास प्लॅन

नवी दिल्ली : मुकेश अंबानी यांचा रिलायन्स रिटेल समूह (Reliance Retail) किरकोळ किराणा सामान आणि दैनंदिन वस्तूंच्या विक्रीत उतरला आहे. आता गल्ली-बोळात रिलायन्स स्टोअर (Reliance Store) सुरु करण्यासाठी कंपनीने कंबर कसली आहे. रिटेल बाजारात टाटा समूहासह इतर अनेक ग्रुप उतरले आहेत. फूड आणि ग्रोसरीमध्ये सध्या जोरदार कामगिरी करणारी कंपनीही रिलायन्स समूहाला टक्कर देण्यासाठी नियोजन करत आहे. ही कंपनी गल्लीबोळात व्हॅल्यू स्टोअर (Value Store) उघडणार आहेत. या स्टोअरमध्ये ग्राहकांना स्वस्तात सामान मिळेल, असा दावा कंपनीने केला आहे.

आरपी-संजीव गोयनका या समूहाची कंपनी स्पेन्सर रिटेल ( Spencer’s Retail) आता नवीन पद्धतीचे हायपरमार्केट सेगमेंटमध्ये प्रवेश करणार आहे. कंपनी छोट्या शहरात स्पेन्सर व्हॅल्यू मार्केट (Spencer’s Value Market) स्टोअर उघडणार आहे.

आरपी-संजीव गोयनका ग्रुपचे हेड ऑफ रिटेल अँड एफएमसीजी, शाश्वत गोयनका यांनी या विस्ताराची माहिती दिली. हे स्टोअर खास करुन टियर-2 शहरात सुरु करण्यात येणार आहेत. या स्टोअरमध्ये ग्राहकांना स्वस्तात सामान मिळेल. विशेष म्हणजे कमी किंमतीत वस्तू मिळण्याचे आश्वासन कंपनीने दिले आहे.

हे सुद्धा वाचा

Activa 7G : एकदम कम पिता है! एका लिटरमध्ये ही स्कूटर धावणार 100 किमी, एन्जॉय करा होंडाची सफर

Union Budget Share : बजेट काळात चौकार, हे चार शेअर करतील मालामाल, कमाईची संधी सोडता कशाला

Crypto Price : गुंतवणूकदारांचा जीव भांड्यात! क्रिप्टोची मोठी झेप, बिटकॉईन, इथेरियमची जोरदार घोडदौड

Budget Income Tax 2023 : करदात्यांना लवकरच लॉटरी! Income Tax Slab मध्ये मोठा बदल,असा होईल फायदा

स्पेन्सर व्हॅल्यू मार्केटमध्ये व्हॅल्यू फॉर मनी प्रोडक्ट्स यांची रेलचेल असणार आहे. ज्यामुळे या स्टोअरमध्ये ग्राहकांना मोठा फायदा होईल. या स्टोअरमध्ये स्पेन्सरपेक्षा इतर खासगी ब्रँडच्या उत्पादनांची संख्या अधिक असेल. यामध्येही स्वस्त वस्तू ठेवण्यात येणार आहे. ग्राहकांना जास्तीत जास्त फायदा मिळवून देण्याचा प्रयत्न करण्यात येणार आहे.

सध्या स्पेन्सर 10 स्टोअरचे रुपांतर या नवीन फॉरमॅटनुसार रुपांतरीत करणार आहे. तर नवीन आर्थिक वर्षात कंपनी अधिकहून अधिक स्टोअर या फॉरमॅटमध्ये सुरु करणार आहे. गोयनका यांच्या अंदाजनुसार, येत्या पाच वर्षांत भारतभर हे स्टोअर सुरु होतील. यामध्ये स्पेन्सरचा अर्धा हिस्सा असेल. पुढील 12 ते 18 महिन्यात स्टोअर फायदा कमावतील.

ईटीच्या वृत्तानुसार, कंपनी त्यांचे Nature’s Basket या ब्रँडची उत्पादनेही या स्टोअरमध्ये प्रामुख्याने असतील. तसेच स्पेन्सर नावाने ही इतर उत्पादने असतील. या स्टोअरमध्ये कर्मचाऱ्यांची संख्या कमी असेल.

रिलायन्स रिटेलने बाजारात दबदबा तयार करण्यासाठी बिग बाजार स्टोअर्सच्या जागी स्मार्ट बाजार सुरु केले आहेत. तर गल्लीबोळात स्थानिक किराणा दुकानदाराशी त्यांनी भागीदारीत Jio Store सुरु केले आहेत. छोट्या शहरात KB’s Fair Price Store सुरु केले आहेत. या समूहाला आता स्पेन्सरचे तगडे आव्हान मिळेल.