Sri Lanka Crisis : कधी काळची सोन्याची लंका आता अंधारात, पेट्रोल डिझेलसाठी रांगाच रांगा, चहासाठी 100 रुपये मोजा

ऐतिहासिक सुवर्णनगरी श्रीलंका दिवाळीखोरीच्या उंबरठ्यावर आहे. या इवल्याशा देशातील वेगवेगळ्या भागात इंधन खरेदीसाठी लांबच लांब रांगेत बेशुद्ध पडून दोन लोकांचा जीव गेला आहे. तर आंतरराष्ट्रीय बाजारात कागद खरेदीसाठी डॉलरच नसल्याने अनिश्चित काळासाठी इथल्या परीक्षा पुढे ढकलण्यात आल्या आहेत.

Sri Lanka Crisis : कधी काळची सोन्याची लंका आता अंधारात, पेट्रोल डिझेलसाठी रांगाच रांगा, चहासाठी 100 रुपये मोजा
श्रीलंकेत महागाईचा उच्चांकImage Credit source: Business News
Follow us
| Updated on: Mar 21, 2022 | 8:37 AM

‘रम्य ही स्वर्गाहून लंका हिच्या किर्तीच्या सागर लहरी नादविती डंका’ अशी अजरामर किर्ती लाभलेल्या, ऐतिहासिक काव्यांमध्ये सुवर्णनगरी म्हणून जिचा जयजयकार तिही दिशांमध्ये गाजला त्या श्रीलंकेची (Sri-Lanka) अवस्था आज भिकेला लागलेला देश अशी झालेली आहे. दिवाळखोरीच्या उंबरठ्यावर आणि चीनच्या कर्ज योजनेत अखंड बुडालेल्या श्रीलंकेची अवस्था वाईट आहे. सध्या या कर्जाच्या खाईतून वर येण्याचा कुठलाच रस्ता श्रीलंकेकडे नाही. आर्थिक स्थिती बिघडल्याने या देशात महागाई (Inflation) सर्वोच्च पातळीवर पोहचली आहे. त्याचा थेट परिणाम सर्वसामान्य नागरिकांवर पडत आहे. महागाईमुळे श्रीलंकन नागरिक हवालदिल झाले आहेत. रॉयटर्स च्या (Reuters) अहवालानुसार, रविवारी पेट्रोल-डिझेलसाठी लोकांना अनेक तास वाट पहावी लागली. या दरम्यान दोन लोकांचा मृत्यू  झाला. श्रीलंकन पोलिसांच्या मते, दररोज पेट्रोल-डिझेलच्या किंमती वाढत आहेत. त्यामुळे नागरिक इंधनाचा साठा करुन ठेवत आहेत. याच दरम्यान देशातील वेगवेगळ्या भागात इंधनाची वाट पाहत असलेल्या दोन नागरिकांनी जीव गमावला.

कोलंबो पोलीस विभागाचे नलिन थल्डुवा यांना दोन वृद्धांच्या मृत्यूची माहिती दिली आहे. इंधनासाठी ते अनेक तासांपासून रांगेत उभे होते. त्यांचे वय 70 वर्षांहून अधिक होते. शुद्ध हरपल्याने त्यांचा मृत्यू ओढावला. वाढत्या इंधन किंमतींमुळे लोक इंधनाचा साठा करुन ठेवत आहेत. तर दुसरीकडे श्रीलंकेत वीज संकटही गंभीर झाले आहे. त्यामुळे लोक तासनतास पंपांवर वाट पाहत इंधन खरेदी करत आहेत. पोलिसांच्या माहितीनुसार मरणारी एक व्यक्ती तीनचाकी रिक्षा चालक होती व त्यांचे वय 70 वर्षे होते. तर दुसरा नागरीक 72 वर्षांचा होता. दोघेही चार तासांपासून रांगेत थांबलेली होती. पेट्रोलियम जनरल एम्प्लॉइज युनियनचे अध्यक्ष अशोक रानवाला यांनी सांगितले की, रविवारी देशातील कच्च्या तेलाचा साठा संपला. त्यामुळे येथील रिफाइनरी बंद करण्यात आली.

गॅस तर सर्वसामान्यांच्या आवाक्या बाहेर

घरगुती गॅसच्या किंमती सर्वसामान्यांच्या आवाक्या बाहेर गेल्याने सर्वसामान्य श्रीलंकन कुटुंबांनी रॉकेलचा आधार घेतला आहे.परिणामी घासलेट वा रॉकेलची मागणी प्रचंड वाढली आहे. Laugfs Gas ही श्रीलंकेतील सर्वात मोठी गॅस पुरवठादार कंपनी आहे. त्यांनी दिलेल्या माहितीनुसार, 12.5 किलोग्रॅमच्या सिलेंडरसाठी नागरिकांना 4.94 डॉलर म्हणजेच 1,359 रुपये मोजावे लागत आहे. ही आतापर्यंतची सर्वात जास्त किंमत आहे.

चहा 100 रुपयांना

महागाईचा अंदाजासाठी हे एक बोलके उदाहरण पुरेसे आहे. श्रीलंकेत शनिवारी 400 ग्रॅम दुध पावडरसाठी 250 रुपये मोजावे लागले. परिणामी मोठ्या हॉटेल्स, रेस्टॉरंटमध्ये ग्राहकलाा एक कप चहासाठी 100 रुपये मोजावे लागले. देशातील मुद्रा स्थिती प्रचंड घसरली. फेब्रुवारीतच मुद्रा भांडार 2.31 अरब डॉलरपर्यंत घसरला होता. तो आता 15.1 टक्क्यांवर घसरला आहे. जो आशिया खंडात सर्वाधिक आहे. तर अन्नधान्याची मुद्रास्थिती 25.7 टक्क्यांवर पोहचली आहे.

संबंधित बातम्या

धमाकेदार ऑफर! साडेचार लाखांची Datsun कार अवघ्या 2.70 लाखात घरी न्या

EPF आणि PPF मध्ये नेमका काय फरक? दोघांपैकी जास्त Returns कशावर? जाणून घ्या!

Tax Saving, FD की पोस्ट ऑफिस TD, ग्राहकांना कोणत्या डिपॉझिटवर अधिक व्याज? जाणून घ्या!

'मंत्रिमंडळात नाव आहे, असं सांगितलं अन् शपथविधीच्या वेळी वगळलं...'
'मंत्रिमंडळात नाव आहे, असं सांगितलं अन् शपथविधीच्या वेळी वगळलं...'.
छगन भुजबळांचा मंत्रिमंडळातून पत्ता कट, मनोज जरांगे पहिली प्रतिक्रिया
छगन भुजबळांचा मंत्रिमंडळातून पत्ता कट, मनोज जरांगे पहिली प्रतिक्रिया.
मंत्रिमंडळातून पत्ता कट शिवतारे भडकले, 'आता अडीच वर्षांनी मंत्रिपद...'
मंत्रिमंडळातून पत्ता कट शिवतारे भडकले, 'आता अडीच वर्षांनी मंत्रिपद...'.
मंत्रिमंडळ विस्तारानंतर नाराजी नाट्य, कोण-कोणत्या नेत्यांमध्ये नाराजी?
मंत्रिमंडळ विस्तारानंतर नाराजी नाट्य, कोण-कोणत्या नेत्यांमध्ये नाराजी?.
दोघांची दोस्ती अन् विधानभवनाच्या पायऱ्यांवर जमली गट्टी; बघा व्हिडीओ
दोघांची दोस्ती अन् विधानभवनाच्या पायऱ्यांवर जमली गट्टी; बघा व्हिडीओ.
बावनकुळेंनंतर भाजप प्रदेशाध्यक्षपदासाठी 'या' दोन नेत्यांची नावं चर्चेत
बावनकुळेंनंतर भाजप प्रदेशाध्यक्षपदासाठी 'या' दोन नेत्यांची नावं चर्चेत.
मंत्रिपद नाही, नाराज भुजबळ म्हणाले, 'मला डावललं, फेकलं फरक पडत नाही..'
मंत्रिपद नाही, नाराज भुजबळ म्हणाले, 'मला डावललं, फेकलं फरक पडत नाही..'.
मंत्रिपद हुकलं... तानाजी सावंत बॅग पॅक करून नागपुरातून निघाले अन्...
मंत्रिपद हुकलं... तानाजी सावंत बॅग पॅक करून नागपुरातून निघाले अन्....
बिनखात्याचं मंत्रिमंडळ म्हणत संजय राऊतांचा महायुतीवर निशाणा; म्हणाले..
बिनखात्याचं मंत्रिमंडळ म्हणत संजय राऊतांचा महायुतीवर निशाणा; म्हणाले...
आज महाराष्ट्र बंदची हाक, परभणीत आंबेडकर अनुयायांनी पुकारला जिल्हा बंद
आज महाराष्ट्र बंदची हाक, परभणीत आंबेडकर अनुयायांनी पुकारला जिल्हा बंद.