Share Market : छप्परफाड कमाई! Tata Motors, Titan सह हे शेअर पण टॉपवर

नवी दिल्ली : उत्साहवर्धक जागतिक संकेत आणि जोरदार जीडीपी आकड्यांच्या जोरावर भारतीय शेअर बाजाराने पुन्हा झेप घेतली आहे. बाजारात तेजीचे सत्र आहे. बीएसईवर (BSE) 169 शेअर्सनी शुक्रवारी कमाल केली. व्यापारी सत्रात 52 आठवड्यात या शेअर्संनी धमाल केली. त्यांनी गुंतवणूकदारांना एकदम मालामाल केले. या शेअर्समध्ये लार्जकॅप, मिडकॅप आणि स्मॉलकॅप मधील सर्व शेअर आहेत. एकूण 169 शेअर्समध्ये 19 लार्जकॅप स्टॉक आहेत. यामध्ये टाटा मोटर्स (Tata Motors), टायटन (Titan), पॉवर फायनान्स कॉर्पोरेशन (Power Finance Corporation), डीएलएफ (DLF), इंडियन हॉटेल्स (Indian Hotels), बजाज ऑटो (Bajaj Auto) आणि ब्रिटानिया (Britannia) यांचा समावेश आहे. याशिवाय या यादीत मॅनकाईंड फार्मा (Mankind Pharma) या शेअरचाही समावेश आहे.

मिडकॅपमध्ये हे स्टॉक जोरदार मिडकॅप स्टॉक्समध्ये साएंट (Cyient), टीटागढ वॅगन्स (Titagarh Wagons), जेंसर टेक (Zensar Tech), केपीआईटी टेक्नॉलॉजीज (KPIT Technologies), मिंडा कॉर्प (Minda Corp), केईआई इंडस्ट्रीज (KEI Industries), मेट्रो ब्रँड्स (Metro Brands), ट्रेंट (Trent) आणि पॉलीकॅब इंडिया (Polycab India) या शेअर्संनी शुक्रवारी कमाल केली, 52 आठवड्यातील सर्वोच्च कामगिरी बजावली. आदित्या बिर्ला कॅपिटल (Aditya Birla Capital) या शेअरमध्ये व्यापारी सत्रात 3 टक्क्यांची तेजी दिसून आली. हा शेअर 52 आठवड्यांच्या उच्चांकावर आहे. कंपनीच्या मंडळाने प्रमोटर आणि प्रमोटर ग्रुप कंपनीला 1250 कोटींचा प्रीफेरेंशियल इश्यू जारी करण्यास मंजुरी दिली.

टायटनचे तुफान उद्योगपती रतन टाटा यांच्या समूहातील टायटन (Titan) कंपनीच्या शेअरने बाजारात धुमाकूळ घातला आहे. या शेअरवर गुंतवणूकदारांचा पूर्ण विश्वास होता. टायटनने दीर्घकालीन गुंतवणूकदारांना मोठा फायदा मिळवून दिला. या कंपनीने मोठा परतावा मिळून दिला. बीएसईवर मंगळवारी हा शेअर त्याच्या सर्वकालीन उच्चांकावर होता. परतावा देण्यात पण या शेअरने विक्रम नोंदवला. हा शेअर 2841.90 रुपयांवर पोहचला. आज 11:24 वाजता हा शेअर 2,807 रुपयांवर आहे. या शेअरने गुंतवणूकदारांना मल्टिबॅगर रिटर्न दिले आहेत.

हे सुद्धा वाचा

UPI Transaction : युपीआयने व्यवहारांत आतापर्यंतचे तोडले सर्व रेकॉर्ड, तुमचे पण आहे यात योगदान

Mutual Fund Rules : ईएमआयपासून ते म्युच्युअल फंडपर्यंत बदलच बदल, जाणून घ्या अगोदर

Nitin Gadkari : युट्यूबकडूनच लाखोंची कमाई, केंद्रीय मंत्री नितीन गडकरी यांचे विचारच जादूई

Gold Silver Rate Today : आनंदाची बातमी! सोने-चांदीत पडझड, भावात कितीची घसरण

233 कोटींचा फायदा जानेवारी ते मार्च 2023 तिमाहीत टायटन कंपनी शेअरहोल्डिंग पॅटर्ननुसार, रेखा झुनझुनावाला यांच्याकडे टायटन कंपनीचे 4,69,45,970 शेअर आहे. टायटन कंपनीत त्यांचा 5.29 टक्के वाटा आहे. टायटन यांच्या कंपनीचा प्रति शेअर 49.70 रुपयांची वाढ झाली. त्यामुळे रेखा झुनझुनवाला यांना 2,33,32,14,709 रुपये म्हणजे जवळपास 233 कोटी रुपयांचा फायदा झाला होता.

हा कोणताही गुंतवणुकीचा सल्ला नाही. गुंतवणूकदारांना गुंतवणूक करण्यापूर्वी बाजाराचा, कंपनीचा अभ्यास जरुर करावा. गुंतवणूक तज्ज्ञ, विश्लेषकाची मदत आवश्य घ्यावी. त्याशिवाय गुंतवणूक करणे जोखमीचे ठरेल.