Gold Silver Price Today News | मंदीच्या भीतीने सोने चकाकले, किमती 3 आठवड्यांच्या उच्चांकावर, काय आहेत आजचे दर?

Gold Silver Price Today News | गुरुवारी अमेरिकेने जीडीपी (American GDP) वाढीचे आकडे जाहीर करताच परदेशी बाजारात (Foreign Market) सोन्याच्या किमतींनी (Gold Price Today) उचल खाल्ली. शुक्रवारी, वायदे बाजारात ऑगस्टच्या सोन्याच्या किंमती 1765 डॉलरच्या उच्चांकावर पोहचल्या. या किंमती 3 आठवड्यांच्या उच्चांकावर पोहचल्या आहेत. तर डिसेंबरच्या किंमती 1785 डॉलरच्या जवळ आहे. मंदीच्या भीतीने सोन्यात गुंतवणूक करणे सुरक्षित मानले जाते. त्यामुळे गुंतवणूकदारांचा ओढा सोन्याकडे वाढला. मागणी वाढल्याचा परिणाम ही त्वरीत दिसून आला. सोन्याच्या किंमतीत ही वाढ झाली. आज 22 कॅरेट सोन्याची किंमती 47,200 रुपये प्रति 10 ग्रॅम आहे. तर गुड रिटर्न्स या संकेतस्थळानुसार, चांदीचा आजचा भाव 58,000 रुपये प्रति किलो दराने विक्री केली जात आहे. चांदीची घसरण थांबली असून गेल्या दोन दिवसात चांदीचे भाव (Silver Price Today) वधरल्याचे दिसून येत आहे. गेल्या पंधरवाड्यात सोन्याच्या दरात घसरण आणि तेजी दिसून आली होती.

देशांतर्गत बाजारातही भाव वाढले

परदेशी बाजारातील वाढत्या किमतीचा परिणाम देशांतर्गत बाजारातही(Indian Market) दिसून येत आहे. कमोडिटी एक्सचेंज MCX वर सोन्याची किंमत 51700 रुपयांच्या जवळ आहे, गेल्या आठवड्यात MCX वर किंमत 49703 रुपये प्रति 10 ग्रॅम या नीचांकी पातळीवर पोहोचली होती आणि तिथून किंमत सुमारे 2000 रुपयांनी वाढली आहे. जगभरात आर्थिक आव्हाने वाढली की सुरक्षित गुंतवणुकीसाठी सोन्याची मागणी वाढते. त्यामुळेच मंदीच्या भीतीने सोन्याच्या दरात मोठी झेप घेतली आहे.

हे सुद्धा वाचा

Latest Government IPO | LIC नंतर आता या सरकारी कंपनीत गुंतवणुकीची संधी, लवकरच IPO येणार बाजारात

Income Tax Saving | वार्षिक 10 लाखांची कमाई, तरीही कर भरण्याची नको घाई, टिप्स अशी की, 1 रुपया कर भरावा लागणार नाही

Cigarette Rules | सिगारेट पेटवायचीये? तर भावा जिगरा कर मोठा! जाणून घ्या नियमात काय होणार बदल

Bank Cash Deposit Rule Changed | आता या दोन कागदपत्रांशिवाय बँकेत कॅश जमा होणार नाही, जाणून घ्या नवीन नियम

राज्यातील चार शहरातील भाव

गुड रिटर्न्स वेबसाईटनुसार मुंबईमध्ये 22 कॅरेट सोन्याची किंमत प्रति 10 ग्रॅम 47,200 रुपये आहे. मुंबईत 24 कॅरेट सोन्याची किंमत 51,490 प्रति 10 ग्रॅम आहे. पुण्यात प्रति 10 ग्रॅम 22 कॅरेट सोन्याचा दर 47,230 असेल तर 24 कॅरेट सोन्याचा दर 51,570 रुपये असेल. नागपूर मध्ये प्रति 10 ग्रॅम 22 कॅरेट सोन्याचा दर 47,230 तर 24 कॅरेट सोन्याचा दर 51,570 रुपये इतका असेल. नाशिकमध्ये 22 कॅरेट सोन्याचा दर 47,230 आहे तर प्रति 10 ग्रॅम 22 कॅरेट सोन्याचा दर 51,570 रुपये आहे. चांदीचा आजचा प्रती 10 ग्रॅमचा दर 580 रुपये आहे.काल हा दर 565 रुपये प्रति 10 ग्रॅम होता. उत्पादन शुल्क, राज्य कर आणि जडणघडणीसाठी आकरले जाणारे शुल्कामुळे (मेकिंग चार्जेसमुळे) सोन्याच्या दागिन्यांच्या किंमती भारतभर बदलतात.

24, 22, 21, 18 आणि 14 कॅरेटमध्ये काय असतो फरक

24 कॅरेट सोन्याला शुद्ध सोने म्हणतात. त्यात इतर कोणत्याही प्रकारचा धातू मिसळत नाही. याला 99.9 टक्के शुद्धतेचे सोने म्हणतात. 22 कॅरेट सोन्यात 91.67 टक्के शुद्ध सोनं असतं. इतर 8.33 टक्क्यांमध्ये इतर धातू असतात. त्याचबरोबर 21 कॅरेट सोन्यात 87.5 टक्के शुद्ध सोनं असतं. 18 कॅरेटमध्ये 75 टक्के शुद्ध सोनं असतं आणि 14 कॅरेट सोन्यात 58.5 टक्के शुद्ध सोनं असतं.