‘या’ शेअरची किंमत 99 वरून 309 रुपयांपर्यंत पोहोचली, 1 वर्षात 200% पेक्षा जास्त परतावा

केंद्र सरकार या योजनेअंतर्गत मुलींना देतेय एक लाख 60 हजार रुपये रोख

नवी दिल्लीः 99 रुपयांपासून सुरू झालेला शेअर आज 309 रुपयांवर पोहोचला. ज्यांनी हा शेअर 99 रुपयांना विकत घेतला, ते आज 309 रुपयांना विकून प्रचंड नफा कमवत आहेत. त्याच्या किमती फक्त एका आठवड्यात 5 टक्क्यांनी वाढल्यात. जर आपण गेल्या एका वर्षाचा रेकॉर्ड बघितला तर या शेअरने 200 टक्क्यांपेक्षा जास्त परतावा दिला. या शेअरचे नाव सागर सिमेंट आहे.

तर हा नफा करार फक्त 12 महिन्यांत पूर्ण

सागर सिमेंटचा शेअर 99 रुपयांवरून 309 रुपयांवर पोहचण्यास अनेक वर्षे लागली नाहीत, तर हा नफा करार फक्त 12 महिन्यांत पूर्ण झाला. जर तुम्ही आकडेवारी योग्यरित्या पाहिली तर एका वर्षात या शेअरने त्याच्या गुंतवणूकदारांना 212% नफा दिला. तुलनेत निफ्टी 50 निर्देशांकाची कमाई 44 टक्के आणि एसएंडपी बीएसई सेन्सेक्सची कमाई केवळ 45 टक्के आहे.

सागर सिमेंटच्या मल्टिबॅगर स्टॉकमध्ये 5 लाख रुपये गुंतवले

ज्यांनी एक वर्षापूर्वी सागर सिमेंटच्या मल्टिबॅगर स्टॉकमध्ये 5 लाख रुपये गुंतवले होते, त्यांना आज 15.60 लाख रुपये मिळत आहेत. अवघ्या एका वर्षात या स्टॉकने 10 लाख रुपये कमवण्याची संधी दिली. या शेअरचा बाजार हिस्सा 3,472.71 कोटी रुपये आहे. जून 2021 च्या तिमाहीबद्दल बोलायचे झाले तर सागर सिमेंट कंपनीने या कालावधीत 51.43 कोटी रुपयांची कमाई केली. अगदी एक वर्षापूर्वी याच कालावधीत कंपनीला 36.13 कोटी रुपयांचा नफा झाला होता.

सागर सिमेंट शेअरबद्दल जाणून घ्या

मार्केट्स मोजोच्या मते, सागर सिमेंटने गेल्या 4 तिमाहीत सातत्याने नफा दिला आणि हा कल अजूनही कायम आहे. दीर्घकालीन गुंतवणूकदारांना आणखी नफा मिळण्याची शक्यता आहे आणि ऑपरेटिंग नफादेखील वाढत राहील. सध्या या कंपनीचा ऑपरेटिंग नफा वार्षिक दराने 44.59 टक्के आहे. बाजारात या शेअर्सची मागणी मोठ्या प्रमाणात वाढलीय. यामुळे आगामी काळात कंपनीला तसेच गुंतवणूकदारांना बंपर फायद्याला वाव आहे. सागर सिमेंट लिमिटेड कंपनी 1981 मध्ये सुरू झाली, जी एक छोटी कॅप कंपनी आहे. ही कंपनी सिमेंट क्षेत्रात आपले काम करते.

मल्टिबॅगर स्टॉक म्हणजे काय?

मल्टिबॅगर शेअर्सच्या बाबतीत हे वर्ष गुंतवणूकदारांसाठी खूप चांगले मानले जाते. सागर सिमेंट मल्टिबॅगर स्टॉकच्या श्रेणीमध्ये येतो. येथे मल्टिबॅगर स्टॉकचा अर्थ थेट असा स्टॉक आहे, ज्यात गुंतवणूकदार खूप कमी पैसे गुंतवून प्रचंड नफा कमावतात. सागर सिमेंटच्या स्टॉकनेही आपल्या गुंतवणूकदारांना मोठी कमाई करण्याची संधी दिली. अशा शेअर्समध्ये मिळालेल्या नफ्यामुळे लोकांमध्ये मागणी वाढली. त्यामुळे अनेक मल्टिबॅगर स्टॉक बाजारात दिसत आहेत. सागर सिमेंटसारख्या स्मॉल कॅप फंडांचा या शेअरमध्ये मोठा वाटा आहे, तर मिड कॅप फंड दुसऱ्या स्थानावर आहेत.

या शेअर्समध्ये 265% नफा

डीप इंडस्ट्रीज deep industries नावाचा असाच एक शेअर आहे. जर आपण गेल्या 6 महिन्यांचा रेकॉर्ड बघितला तर या कंपनीच्या स्टॉकमध्ये सुमारे 100 रुपयांनी वाढ झाली. फक्त 6 महिन्यांपूर्वी या शेअरची किंमत सुमारे 35 रुपये होती, जी आज 130 रुपयांवर पोहोचली. या शेअरने सागर सिमेंटपेक्षा एका वर्षात आपल्या गुंतवणूकदारांना 265% परतावा दिला. या शेअरने गेल्या एका महिन्यात 36% परतावा दिला आहे. जर एखाद्या व्यक्तीने महिन्यापूर्वी या स्टॉकमध्ये 1 लाख रुपये गुंतवले असतील तर आज त्याचे मूल्य 1.36 लाख रुपये झाले आहे. त्याचप्रमाणे, जर एखाद्या गुंतवणूकदाराने 6 महिन्यांपूर्वी या स्टॉकमध्ये 1 लाख रुपये गुंतवले असतील, तर आज त्याचे मूल्य 3.6 लाख रुपये झाले.

संबंधित बातम्या

EPFO च्या वेबसाईटवर वारंवार पासवर्ड टाकण्याची झंझट दूर; ‘या’ अॅपवर एका क्लिकवर मिळणार सर्व माहिती

दरमहा 2500 रुपये वाचवल्यावर 10 लाख मिळवा, तेसुद्धा दोनदा, पटापट तपासा

The price of Multibagger Stocks rose from Rs 99 to Rs 309, with a return of more than 200% in 1 year