तुमच्या या चुकांवर आयकर विभागाची करडी नजर; नोटीससाठी राहा तयार

आयकर विभागाने नवीन आर्थिक वर्षांसाठी ऑनलाईन आणि ऑफलाईन सुविधा सुरु केली आहे. अनेक करदात्यांनी देशभरात कराचा भरणा सुरु केला आहे. इनकम टॅक्स भरताना जर तुमच्याकडून काही चुका झाल्या असतील तर आयकर खाते तुम्हाल नोटीस (Income Tax Notice) पाठवू शकते. आयकर खात्याच्या तपासणीत व्यवहारात काही अनियमितता आढळल्यास तुम्हाला दंड पण भरावा लागू शकतो. त्यामुळे आयकर रिटर्न भरताना काळजीपूर्वक भरा.

1. बँक खात्यात पैसा जमा करताना काळजी घ्या. तुम्ही सरकारी, खासगी अथवा सहकारी बँकेत वर्षभरात 10 लाख अथवा त्यापेक्षा अधिकची रक्कम जमा केली असेल तर त्याची सविस्तर माहिती प्राप्तिकर विभागाला द्या. नाहीतर तुम्ही आयकर विभागाच्या रडारवर येऊ शकता.
2. मालमत्ता खरेदी करताना लक्ष ठेवा. एका आर्थिक वर्षात 30 लाख अथवा त्यापेक्षा अधिकची मालमत्ता रोखीत खरेदी करत असाल तर नोंदणी आणि मुद्रांक विभाग त्याची माहिती आयकर विभागाला देईल. जर तुम्ही आयटीआरमध्ये ही माहिती न दिल्यास तुमच्याकडे त्यासंबंधी विचारणा होईल.
3. Credit Card बिलचे पेमेंट करताना ही काळजी घ्या. क्रेडिट कार्डचे बिल 1 लाख रुपयांपेक्षा अधिक असेल आणि तुम्ही ते नगदी रुपात भरत असाल तर आयकर खाते नोटीस पाठवू शकते. जर तुम्ही एका आर्थिक वर्षात 10 लाख रुपयांपेक्षा अधिक क्रेडिट कार्ड बिल पेमेंट रोखीत भरत असाल तर उत्पन्नाचा स्त्रोत सांगावा लागेल.
4. शेअर आणि म्युच्युअल फंडमधील गुंतवणूक पण रडारवर येऊ शकते. तुम्ही शेअर बाजार, म्युच्युअल फंड, डिबेंचर आणि बाँडमध्ये रोख पैसे गुंतवत असाल तर आयकर खाते त्याची विचारणा करु शकते. आयकर खात्याच्या नियमानुसार, एका आर्थिक वर्षात 10 लाख रुपयांपेक्षा अधिकची गुंतवणूक गोत्यात आणू शकते.
हे सुद्धा वाचा



अरे हा Elon Musk भैसाटला का? आता X वर कमेंटसाठी पण मोजावे लागतील पैसे



बंद करा हो आता हे फसविण्याचे धंदे; RBI ने बँकांना झापले, हा नियम होणार लागू



10 हजारांच्या आत फीचर्स दमदार; कॅमेरा पण जोरदार, बजेट स्मार्टफोन पाहिलेत का?



इस्त्राईल-इराण तणावाचा जगातील श्रीमंतांना फटका; मुकेश अंबानींसह गौतम अदानींचे झाले इतके नुकसान

5. मुदत ठेवीत गुंतवणूक करताना पण काळजी घेणे आवश्यक आहे. एका वर्षात तुम्ही एफडीमध्ये 10 लाख रुपयांपेक्षा अधिकची रोख रक्कम जमा करत असाल तर तुम्हाला तुमच्या उत्पन्नाचा स्त्रोताची माहिती द्यावी लागेल. डिजिटल पद्धतीने मुदत ठेवीत रक्कम गुंतवल्यास तुमच्याकडे व्यवहाराचा रेकॉर्ड असेल. तो आयकर खात्याला दाखवता येईल.