Today Petrol, Diesel Rate : पेट्रोलियम कंपन्यांकडून इंधनाचे नवे दर जारी; जाणून घ्या आपल्या शहरातील पेट्रोल, डिझेलचे भाव
Today Petrol, Diesel Rate : देशाच्या प्रमुख पेट्रोलियम कंपन्यांकडून इंधनाचे नवे दर जारी करण्यात आले आहेत. जाणून घेऊयात आजचे पेट्रोल, डिझेलचे दर
नवी दिल्ली : देशाच्या प्रमुख पेट्रोलियम कंपन्यांकडून इंधनाचे नवे दर जारी करण्यात आले आहेत. नव्या दरानुसार आज देखील पेट्रोल(Petrol), डिझेलच्या (Diesel) किमतींमध्ये कोणताही बदल करण्यात आलेला नाही. गेल्या दोन महिन्यांपेक्षा अधिक कालवधिपासून देशासह राज्यात पेट्रोल, डिझेलचे दर (Diesel Rate) स्थिर आहेत. एकीकडे आतंरराष्ट्रीय बाजारात सातत्याने कच्च्या तेलाच्या दरात चढ-उतार सुरू आहे. तर दुसरीकडे मात्र देशात पेट्रोल, डिझेलचे दर स्थिर असल्याने याचा मोठा फटका हा पेट्रोलियम कंपन्यांना बसत आहे. पेट्रोलियम कंपन्यांच्या मार्जीनमध्ये घट झाली आहे. गेल्या 21 मे रोजी पेट्रोल, डिझेलवरील एक्साईज ड्यूटी कमी करण्याचा निर्णय केंद्र सरकारने घेतला होता. त्यामुळे 22 मे पासून पेट्रोल साडेनऊ रुपयांनी तर डिझेल सहा रुपयांनी स्वस्त झाले. तेव्हापासून देशात पेट्रोल, डिझेलचे दर स्थिर आहेत. जाणून घेऊयात प्रमुख शहरातील पेट्रोल, डिझेलचे दर
प्रमुख महानगरातील पेट्रोल, डिझेलचे दर
पेट्रोलियम कंपन्यांकडून जारी करण्यात आलेल्या नव्या दरानुसार आज राजधानी दिल्लीमध्ये पेट्रोलचा दर प्रति लिटर 96.72 तर डिझेलचा रेट हा प्रति लिटर 89.62 रुपये इतका आहे. आर्थिक राजधानी मुंबईमध्ये पेट्रोलचा दर प्रति लिटर 106.35 तर डिझेलचा भाव प्रति लिटर 94.28 रुपये इतका आहे. चेन्नईमध्ये पेट्रोलचा रेट प्रति लिटर 102.63 रुपये तर डिझेलचा रेट प्रति लिटर 94.24 रुपये इतका आहे. कोलकातामध्ये पेट्रोलचा दर प्रति लिटर 106.03 रुपये तर डिझेलचा दर प्रति लिटर 92.76 रुपये लिटर इतका आहे. महानगरातील पेट्रोल, डिझेलच्या भावाची तुलना करायची झाल्यास सर्वात स्वस्त पेट्रोल, डिझेल हे दिल्लीमध्ये तर सर्वात महाग पेट्रोल, डिझेल हे मुंबईमध्ये मिळत आहे.
राज्याच्या प्रमुख शहरातील भाव
| शहरं | पेट्रोल | डिझेल |
|---|---|---|
| मुंबई | 106.35 | 94.28 |
| पुणे | 106.10 | 92.58 |
| नाशिक | 106.22 | 92.70 |
| नागपूर | 106.65 | 93.14 |
| कोल्हापूर | 106.02 | 92.54 |
दररोज जारी होतात इंधनाचे दर
दररोज सकाळी पेट्रोल, डिझेलचे दर हे पेट्रोलियम कंपन्यांकडून जारी करण्यात येतात. इंधनाचे दर हे कच्च्या तेलावर अवलंबून असतात. त्यामुळे जर आंतरराष्ट्रीय बाजारात कच्च्या तेलाचे दर वाढले तर पेट्रोल, डिझेलचे दर देखील वाढतात आणि कच्च्या तेलाचे दर जर कमी झाले तर पेट्रोल, डिझेलचे दर कमी होतात. मात्र भारतात गेल्या दोन महिन्यांपासून पेट्रोल, डिझेलच्या दरात कोणताही बदल करण्यात आलेला नाही.
