Today Petrol, Diesel Rate : पेट्रोलियम कंपन्यांकडून इंधनाचे नवे दर जारी; जाणून घ्या आपल्या शहरातील पेट्रोल, डिझेलचे भाव
Petrol, Diesel Rate पेट्रोलियम कंपन्यांकडून इंधनाचे नवे दर जारी करण्यात आले आहेत. जाणून घेऊयात आपल्या शहरातील पेट्रोल, डिझेलचे भाव
मुंबई : पेट्रोलियम कंपन्यांकडून इंधनाचे नवे दर जारी करण्यात आले आहेत. नव्या दरानुसार आज देखील पेट्रोल (Petrol), डिझेलच्या (Diesel) भावात कोणताही बदल करण्यात आलेला नाही. गेल्या 73 दिवसांपासून पेट्रोल, डिझेलचे दर (Petrol, Diesel Rate) जौसे थे आहेत. 21 मे रोजी केंद्र सरकारकडून महागाईला आळा घालण्यासाठी पेट्रोल, डिझेलच्या एक्साईज ड्यूटीमध्ये कपात करण्याची घोषणा करण्यात आली होती. एक्साईज ड्यूटीमध्ये करण्यात आलेल्या कपातीनंतर 22 मे रोजी पेट्रोल प्रति लिटर साडेनऊ रुपयांनी स्वस्त झाले तर डिझेल प्रति लिटर सहा रुपयांनी स्वस्त झाले तेव्हापासून देशात पेट्रोल,डिझेलचे दर स्थिर आहेत. त्यामध्ये कोणताही बदल करण्यात आलेला नाही. राज्याबाबत बोलायचे झाल्यास नवे सरकार सत्तेत येताच मुख्यमंत्री एकनाथ शिंदे यांनी पेट्रोल , डिझेलवरील व्हॅट कमी करण्याचा निर्णय घेतला. त्यामुळे जनतेला थोडा दिलासा मिळाला. मात्र तरी देखील राज्यातील इंधनाचे दर हे इतर राज्याच्या तुलनेत अधिकच आहेत. जाणून घेऊयात देशासह राज्याच्या प्रमुख शहरातील पेट्रोल, डिझेलचे भाव
प्रमुख महानगरातील दर
पेट्रोलियम कंपन्यांनी जाहिर केलेल्या नव्या दरानुसार आज राजधानी दिल्लीमध्ये पेट्रोलचा दर प्रति लिटर 96.72 रुपये एवढा आहे. तर डिझेलचा दर प्रति लिटर 89.62 रुपये आहे. आर्थिक राजधानी मुंबईमध्ये पेट्रोलचा दर प्रति लिटर 106.35 रुपये असून, डिझेलचा दर प्रति लिटर 94.28 रुपये आहे. चेन्नईमध्ये पेट्रोल 102.63 तर डिझेल 94.24 रुपये लिटर आहे. तर कोलकातामध्ये एक लिटर पेट्रोलचा भाव 106.03 रुपये आणि डिझेलचा भाव 92.76 रुपये एवढा आहे. देशाच्या प्रमुख महानगरातील पेट्रोल, डिझेलच्या भावाची तुलना करायची झाल्यास अद्यापही सर्वात महाग पेट्रोल, डिझेल हे मुंबईमध्ये तर सर्वात स्वस्त इंधन दिल्लीमध्ये मिळत आहे.
राज्याच्या प्रमुख शहरातील पेट्रोल, डिझेलचे भाव
| शहरं | पेट्रोल | डिझेल |
|---|---|---|
| मुंबई | 106.35 | 94.28 |
| पुणे | 106.10 | 92.58 |
| नाशिक | 106.22 | 92.70 |
| नागपूर | 106.65 | 93.14 |
| कोल्हापूर | 106.02 | 92.54 |
दररोज जारी होतात इंधनाचे दर
दरम्यान पेट्रोलियम कंपन्यांकडून दररोज सकाळी पेट्रोल, डिझेलचे दर जारी केले जातात. पेट्रोल, डिझेलचे दर हे कच्च्या तेलाच्या किमतीवर अवलंबून असतात. कच्च्या तेलाचे दर वाढल्यास पेट्रोल, डिझेलचे भाव देखील वाढतात कच्च्या तेलाचे दर कमी झाल्यास पेट्रोल, डिझेलचे दर कमी होतात. त्यामुळे पेट्रोलियम कंपन्यांकडून दररोज पेट्रोल, डिझेलचे दर जारी केले जातात.
