चप्पल काढण्यावरुन दोन कुटुंबात वाद, वृद्धाला संपवून आरोपी फरार

मुंबई : फ्लॅटच्या बाहेर चप्पल काढण्यावरुन झालेल्या वादातून दोन कुटुंबात हाणामारी होऊन एका वृद्धाची हत्या केल्याची घटना मीरा रोड येथे घडली आहे. हत्येनंतर आरोपी घटनास्थळावरुन फरार झाला. अफसर खत्री असे हत्या करण्यात आलेल्या आरोपीचे नाव आहे. याप्रकरणी नया नगर पोलीस ठाण्यात कलम 302 नुसार हत्येचा गुन्हा नोंद करण्यात आला आहे. पोलीस फरार आरोपीचा शोध घेत आहेत. पोलिसांनी आरोपीच्या पत्नीला ताब्यात घेतले आहे. समीर असे हत्या करुन फरार झालेल्या आरोपीचे नाव आहे.

चप्पल ठेवण्यावरुन झाला वाद

मिळालेल्या माहितीनुसार, मुंबईतील मीरा रोड येथील नया नगर संकुलात अस्मिता डॅफोडिल या इमारतीत ही घटना घडली. या इमारतीत अफसर खत्री यांचा फ्लॅट आहे. शनिवारी रात्री फ्लॅटच्या बाहेर चप्पल ठेवण्यावरून शेजारी राहणाऱ्या समीरसोबत त्यांचे भांडण झाले. क्षुल्लक कारणातून झालेला वाद इतका विकोपाला गेला की दोन्ही कुटुंबात हाणामारी झाली. यादरम्यान वृद्ध खत्री गंभीर जखमी होऊन त्यांचा मृत्यू झाला.

मयताच्या पत्नीच्या फिर्यादीवरुन हत्येचा गु्न्हा दाखल

याप्रकरणी खत्री यांच्या पत्नीने नया नगर पोलीस ठाण्यात समीरविरुद्ध तक्रार दिली. महिलेच्या तक्रारीवरुन नया नगर पोलिसांनी हत्येचा गुन्हा दाखल केला. पोलीस तात्काळ घटनास्थळी दाखल झाले. आरोपी फरार झाला असून, पोलिसांनी त्याच्या पत्नीला ताब्यात घेत चौकशी सुरू आहे.

हे सुद्धा वाचा

पुण्यात कात्रज बोगद्याजवळ विचित्र अपघात, चार वाहनांचा चक्काचूर

नोकरी लावण्यासाठी दिलेले पैसे परत मागितले, तिघांवर प्राणघातक हल्ला

अज्ञात कारणातून तरुणावर प्राणघातक हल्ला, हल्ल्यात तरुण गंभीर जखमी

आरोपीचा शोध घेण्यासाठी पोलिसांनी दोन पथकं तयार केली आहेत. पोलीस आरोपीचा कसून शोध घेत आहेत. आरोपीला पकडण्यासाठी पोलीस छापेमारी करत आहेत.