kalyan : आरपीएफच्या जवानाची सब इन्स्पेक्टरला लाकडी दांडक्याने मारहाण, कारण समजताच…
आरोपी पंकज यादव याला पेण येथून कोलशेवाडी पोलिसांनी ताब्यात घेतलं आहे. एका प्रकरणात पंकज यादव याची चौकशी करत कारवाई केल्याचा पंकजला राग आला होता.
कल्याण : कल्याणमध्ये (kalyana East) एक दुर्देवी घटना घडली आहे, आरपीएफच्या सब इन्स्पेक्टरला (RPF Sub Inspector) जवानाने लाकडी दांडक्याने मारहाण केली आहे. त्यामुळे आरपीएफ खात्यामध्ये सावळागोंधळ असल्याचा प्रकार उघडकीस आला आहे. मारहाण इतक्या जोरात करण्यात आली की, सब इन्स्पेक्टरचा त्यामध्ये मृत्यू झाला आहे. त्यामुळे आरपीएफचे जवान हादरुन गेले आहे. संबंधित जवानाला पोलिसांनी ताब्यात घेतले असून त्याची चौकशी सुरु आहे. कोळशेवाडी पोलीस ठाण्यात (Kolsewadi Police) गुन्हा दाखल करण्यात आला असून संबंधित प्रकरणाची पोलिस कसून चौकशी करतील.
कल्याण पूर्वेत धक्कादायक प्रकार घडला आहे. रात्रीच्या सुमारास कल्याण आरपीएफच्या सब इन्स्पेक्टरची हत्या करण्यात आली. बसवराज गरग असे मयत सब इन्स्पेक्टरचे नाव असून पोलिसांनी मृतदेह ताब्यात घेतला आहे. त्याचबरोबर शवविच्छेदनासाठी रुग्णालयात पाठवला आहे.
आरपीएफचा जवान पंकज यादव याने हत्या केली. कल्याण पूर्व सिद्धार्थ नगर येथील रेल्वे बॅरेक हा सगळा प्रकार घडला आहे. लाकडी दांडक्याने मारहाण करत हत्या केली आहे. हत्याकेल्या नंतर पंकज घटना स्थळावरुन पसार झाला होता. कोळशेवाडी पोलीस ठाण्यात गुन्हा दाखल करण्यात आला आहे.
आरोपी पंकज यादव याला पेण येथून कोलशेवाडी पोलिसांनी ताब्यात घेतलं आहे. एका प्रकरणात पंकज यादव याची चौकशी करत कारवाई केल्याचा पंकजला राग आला होता. याचं रागातून काल रात्रीच्या सुमारास पंकजने बसवराज गरग यांची लाकडी दांडक्याने मारहाण करत हत्या केली.
