Vasai Murder : वसईत अल्पवयीन मुलीचा मृतदेह सापडला, धारदार हत्याराने वार करुन हत्या
वालीव पोलीस ठाण्याच्या हद्दीत दुपारी 4 वाजण्याच्या सुमारास रस्त्यावरुन जात असताना एका नागरिकाला एक संशयास्पद बॅग दिसली. या बॅगेतून वास येत असल्याने त्याला संशय आला. त्याने तात्काळ वालीव पोलिसांना याची माहिती दिली.
वसई : वसईत एका अज्ञात अल्पवयीन मुलीचा मृतदेह (Deadbody) आढळल्यानंतर एकच खळबळ उडाली आहे. मयत मुलगी अंदाजे 16 ते 17 वर्षांची असून, तिच्या पोटात धारदार हत्याराने वार करुन हत्या (Murder) करण्यात आली आहे. हत्या केल्यानंतर मृतदेह पिशवीत भरुन रस्त्याच्या कडेला झाडाझुडुपात फेकण्यात आला होता. रस्त्यावरुन जात असलेल्या एका नागरिकाला वास आल्याने त्याने ही माहिती वालीव पोलिसां (Waliv Police)ना दिली. माहिती मिळताच पोलिसांनी घटनास्थळी धाव घेत मृतदेह ताब्यात घेतला. वालीव पोलिसांनी हत्येचा गुन्हा नोंद करत पुढील तपास सुरु केला आहे. मयत मुलगी अंधेरी परिसरातील असल्याची माहिती मिळत असून पोलीस त्याआधारे शोध घेत आहेत.
एका नागरिकाने संशयास्पद बॅग पाहिल्यानंतर घटना उघडकीस
वालीव पोलीस ठाण्याच्या हद्दीत दुपारी 4 वाजण्याच्या सुमारास रस्त्यावरुन जात असताना एका नागरिकाला एक संशयास्पद बॅग दिसली. या बॅगेतून वास येत असल्याने त्याला संशय आला. त्याने तात्काळ वालीव पोलिसांना याची माहिती दिली. वालीव पोलिसांनी घटनास्थळी धाव घेत पाहिले असता बॅगेत अल्पवयीन मुलीचा मृतदेह आढळून आला होता. तरुणीच्या पोटावर धारदार हत्याराने वार करून अक्षरशः तिचा कोथळा बाहेर काढण्यात आला आहे. मृतेदह एका चादरीत बांधून बॅगेत भरुन रस्त्याच्या कडेला ही बॅग टाकून आरोपी फरार झाले.
मयत मुलगी अंधेरी परिसरातील रहिवासी
वालीव पोलिसांनी घटनास्थळावरून मृतदेह ताब्यात घेत शवविच्छेदनासाठी पाठवला आहे. मयत मुलगी अंधेरी परिसरातील रहिवासी असून, अंधेरीतील एका पोलीस ठाण्यात बेपत्ता असल्याची तक्रारही नोंद आहे. आरोपींच्या शोधासाठी पोलीस पथक रवाना केले असल्याची माहिती वालीव पोलीस ठाण्याचे वरिष्ठ पोलीस निरीक्षक कैलास बर्वे यांनी सांगितले. मुलीची हत्या कुणी आणि कोणत्या कारणातून केली हे आरोपींच्या अटकेनंतरच उघड होईल. (Body of minor girl found in Vasai, stabbed to death with a sharp weapon)
