दिवसा प्रेयसी भिकारी बनून रेकी करायची, रात्री प्रियकर दुचाकी चोरायचा
नागपूरमध्ये दुचाकी चोरी करणाऱ्या बंटी बबलीला पकडण्यात जरीपटका पोलिसांना यश आले आहे. या चोरट्यांकडून तीन मोपेड गाड्या हस्तगत करण्यात आल्या आहेत.
नागपूर / गजानन उमाटे : नागपुरात दुचाकी चोरी करणाऱ्या बंटी बबलीला बेड्या ठोकण्यात जरीपटका पोलिसांना यश आले आहे. आरोपींकडून तीन मोपेड गाड्या जप्त करण्यात आल्या आहेत. ऋषी ऊर्फ लकी असे अटक चोरट्याचे नाव आहे. या गुन्ह्यात आणखी एका आरोपीचा समावेश असून, जरीपटका पोलीस त्याचा शोध घेत आहेत. अटक करण्यात आलेले बंटी बबली प्रियकर प्रेयसी आहेत. आरोपींची मोडस ऑपरेंडी पाहून तुम्हीही चक्रावून जाल. पोलीस आरोपींची सखोल चौकशी करत आहेत.
प्रेयसी रेकी करायची, प्रियकर रात्री दुचाकी चोरायचा
प्रेयसी दिवसा भिकारी बनवून रेकी करायची, मग प्रियकर रात्री दुचाकी चोरायचा. ही महिला घटस्फोटीत असून, आरोपी ऋषीसोबत तिचे प्रेमसंबंध जुळले. मग या बंटी बबलीने परिसरातील दुचाकींवर आपले लक्ष वळवले. परिसरात दुचाकी चोरीच्या घटनांमध्ये वाढ झाली आहे. यामुळे पोलीस अॅक्शन मोडमध्ये आले आहेत. जरीपटका पोलीस गुन्ह्याचा तपास करत असताना या बंटी बबलीचा सुगावा लागला.
पोलिसांनी तात्काळ या बंटी बबलीचा शोध घेत त्यांना अटक केली. ऋषी हा सराईत गुन्हेगार आहे. या आरोपींनी आतापर्यंत किती दुचाक्या चोरल्या याबाबत पोलीस तपास करत आहेत.
जळगावात अट्टक दुचाकी चोर अटकेत
रावेर तालुक्यातील सावदा चोरीच्या तब्बल 12 दुचाकींसह अट्टल चोरट्यांना सावदा पोलिसांनी अटक केली आहे. चोरट्यांकडून दुचाकी चोरीचे आणखी काही गुन्हे उघडकीस येण्याची दाट शक्यता आहे. जावेद मुबारक तडवी आणि मुनाफ मुबारक तडवी अशी अटक करण्यात आलेल्या आरोपींची नावे आहेत. नाकाबंदीदरम्यान संशयित जाळ्यात अडकले.
