Chandrapur : दहशत माजवणाऱ्यांच्या तळपायावर फटके देत सगळी मस्ती उतरवली! पोलिसांची दबंग कारवाई

चंद्रपूर : चंद्रपूर पोलिसांनी (Chandrapur Police) दहशत माजवणाऱ्यांना चांगलीच अद्दल घडवली आहे. गेल्या काही महिन्यांपासून तलवारींचा धाक दाखवून काही जण गावातील लोकांना त्रास देत होते. मारामाऱ्या करणं, दुचाकींची मोडतोड करणं, शस्त्रांचा धाक दाखवून महिला आणि मुलींना त्रास देणं, अशा गोष्टींनी संपूर्ण गाव त्रस्त झालेलं. या गावगुंडांविरोधात कारवाई (Police action) करण्याची मागणी ग्रामस्थांनी केली होती. अखेर पोलिसांनी स्थानिकांची विनंती ऐकून गावाकडे धाव घेतली आणि दहशत माजवणाऱ्या गुंडंना अद्दल घडवली आहे. चंद्रपूर शहराच्या जवळच असलेल्या जुनोना गावात (Junona Village in Chandrapur) पोलिसांनी या गावगुंडाना धडा शिकवलाय. या गावगुंडाना गुडघ्यावर बसवून ग्रामस्थांची माफी मागायला लावली. त्याआधी दहशत माजवणाऱ्या गावगुडांच्या तळपायावर पोलिसांनी फटकेही दिले. यानंतर दोघेही गावगुंड रडकुंडीला आले होते.

तलवारीचा धाक दाखवून गुंडगिरी

चंद्रपूर शहरालगतच्या जुनोना गावात हे गावगुंड दहशत माजवत होते. गेले काही महिने तलवारींचा धाक दाखवून या भागात मारहाण आणि दुचाकी मोडतोड यासारखे प्रकार या गुंडांनी चालवले होते. शस्त्राच्या बळावर महिला आणि मुलींनाही हे गुंड त्रास द्यायचे .याबाबत स्थानिकांनी धाडस दाखवत पत्रकार परिषदही घेतली होती. आणि स्थानिक रामनगर पोलीस ठाण्यात पोचत पुन्हा एकदा पोलीस कारवाईची विनंती केली होती.

दोघांना अटक

पोलिसांनी ग्रामस्थांची दखल देत गावात दहशत माजविणाऱ्या विक्रम टाक आणि नंदू बानस्कर या दोन गुंडांना अद्दल घडवली. आधी पोलिसांनी ग्रामस्थांसमोर या दोघाही गुंडांना चोप दिला. त्यानंतर आपल्या कृत्याची माफी मागायला लावून या दोघांनाही अटक केली. दरम्यान, तातडीने कारवाई केल्याने जुनोनावासियांनी पोलिसांचे आभार मानलेत.

दबंग कारवाई

यावेळी गावगुंड पोलिसांच्या दबंग कारवाईनं चांगलेत बिथरले होते. गावकऱ्यांनी रडत रडत या दोघांनीही माफी मागितली आहे. दरम्यान, गावकऱ्यांनी आता अटक करण्यात आलेल्या दोघांवरही कडक कारवाई केली जावी, अशी मागणी केली आहे. गेल्या काही दिवसांपासून दहशतीत असलेलं गाव अखेर आता पुन्हा मोकळा श्वास घेणार आहे. पोलिसांननी केलेल्या या कारवाईमुळे गावकऱ्यांनी सुटकेचा निश्वास सोडलाय.

पाहा व्हिडीओ :

Video | दहशत माजवणाऱ्यांना पोलिसांनी अद्दल घडवली, पायावर फटके बसताच सगळी मस्ती उतरली, चंद्रपूर पोलिसांची दबंग कारवाई पाहून गावकऱ्यांनी मानले पोलिसांचे आभार, दोघा गावगुंडाना अटक #Chandrapur #Police #maharashtrapolice #crime #MaharashtraNews pic.twitter.com/s5ZzOFstx9

— TV9 Marathi (@TV9Marathi) April 19, 2022

संबंधित बातम्या :

तेरवीचा कार्यक्रम करुन परतत होते पारखी कुटुंब, जनावर आडवे आले अन् …वाचा नेमके काय घडले ?

भद्रावतीत सापडला होता मुंडकं नसलेला नग्नावस्थेतील युवतीचा मृतदेह, युवती रामटेकची असल्याची ओळख पटली

चंद्रपूरमधील काँग्रेस नगरसेवकाचे हल्लेखोर अटक, हटकल्याच्या रागातून केला होता हल्ला

पाहा व्हिडीओ :