Crime News : तलावाशेजारी चपला आढळून आल्याने लोकांच्या मनात तर्क-वितर्क, पोलिस म्हणतात..
भंडारा जिल्ह्याच्या साकोली तालुक्यातील एकोडी येथे एका इसमाचा तलावात मृतदेह सापडल्याची घटना सायंकाळच्या सुमारास उघडकीस आली आहे.
भंडारा : जिल्ह्यात (Bhandara) एका इसमाचा तलावात मृतदेह (deadbody) सापडल्याने गावात खळबळ माजली आहे. त्याचबरोबर अनेकांनी घातपाताची शक्यता व्यक्त केली आहे. कारण मृतदेह सापडलेल्या व्यक्तीची चप्पल एका कोपऱ्यात सापडल्याने लोकांनी शंका उपस्थित केली आहे. त्याचबरोबर संबंधित व्यक्ती आजाराने त्रस्त होती अशी सुध्दा माहिती समजली आहे. ही घटना काल सायंकाळच्या सुमाराम घडली. संबंधित इसमाचा मृतदेह पोलिसांनी (Bhandara police)तलावाच्या बाहेर काढला असून शवविच्छेदनासाठी पाठवला आहे.
भंडारा जिल्ह्याच्या साकोली तालुक्यातील एकोडी येथे एका इसमाचा तलावात मृतदेह सापडल्याची घटना सायंकाळच्या सुमारास उघडकीस आली आहे. दसरथ नागवल सोनकुसरे (51, रा. एकोडी) असे मृताचे नाव आहे. त्यांना मागील काही दिवसांपासून मिरगींचा त्रास होता अशी चर्चा घटनास्थळी सुरु होती.
मृतक दुपारच्या सुमारास अचानक घरातून निघून गेले. हा प्रकार लक्षात येताचं घरातील लोकांनी त्यांची शोधाशोध सुरू केली. दुसऱ्या दिवशी येथील तलावाच्या पाळीवर त्यांच्या चपला आढळून आल्याने लोकांच्या मनात तर्क-वितर्क सुरू झाले. शेवटी गोताखोरांच्या मदतीने तलावात उतरून शोधाशोध केली असता. दसरथ यांचा मृतदेह आढळला, घटनेची माहिती गावात वाऱ्यासारखी पसरताच लोकांनी गर्दी केली होती. घटनेची माहिती पोलिस विभागाला मिळताच पोलिस विभागाचं चमू घटनास्थळी दाखल झालं. मृतदेह शवविच्छेदनासाठी साकोली उपजिल्हा रुग्णालयात नेण्यात आलं आहे.
