‘त्या’ आल्या की चोरी झालीच समजा, बोलण्यात गुंतवून ठेवणाऱ्या तिघींना बेड्या
कोणत्याही दुकानात घुसून दुकानदारांना आपल्या बोलण्यात गुंतवून चोरी करणाऱ्या तीन महिलांना अटक करण्यात आलं आहे. डोंबिवलीच्या रामनगर पोलिसांनी ही कारवाई केली आहे.
ठाणे : कोणत्याही दुकानात घुसून दुकानदारांना आपल्या बोलण्यात गुंतवून चोरी करणाऱ्या तीन महिलांना अटक करण्यात आलं आहे. डोंबिवलीच्या रामनगर पोलिसांनी ही कारवाई केली आहे. प्राची जाधव, छाया जाधव आणि रेश्मा जाधव असे या तिघींची नावे आहेत. (Dombivali police arrested Three women who tried to steal TV from electronic shop)
बोलण्यामध्ये गुंतवायच्या अन् चोरी करायच्या
मिळालेल्या माहितीनुसार अटक करण्यात आलेल्या तीन महिला अंबरनाथला राहतात. त्या अंबरनाथ, डोंबिवली या परिसरातील दुकानांमध्ये घुसायच्या. तसेच दुकानात घुसून दुकानदाराला आपल्या बोलण्यामध्ये गुंतवायच्या. असाच प्रकार त्यांनी डोंबिवलीच्या एका दुकानात करण्याचा प्रयत्न केला. दुकानात घुसून त्यांनी गीझर खरेदी करण्याचे नाटक केले. यावेळी गीझरची किंमत काय ? त्याचे वैशिष्य काय ? अशा प्रकराचे प्रश्न विचारत दुकानाच्या मालकाला गुंतवून ठेवण्याचा त्यांनी प्रयत्न केला. नंतर बोलत असताना योग्य संधी साधत या महिलांनी दुकानातील 32 इंची टीव्ही चोरला. नंतर लगेचच मोठ्या शिताफीने त्या दुकानाबाहेर पडण्याचा प्रयत्न करत होत्या.
टीव्ही चोरण्याचा प्रयत्न केला अन् बिंग फुटले
मात्र, एवढा मोठा टीव्ही चोरून नेताना दुकानदाराची नजर या तीन महिलांवर पडली. त्यांच्या चोरीचे बिंग फुटले. नंतर लगेचच दुकानादाराने या महिलांना पकडून पोलिसांना पाचारण केले.
याआधीही अशा प्रकारची चोरी केल्याची कबुली
दरम्यान, पोलिसांनी या तिन्ही महिलांना ताब्यात घेतले आहे. पोलीस या महिलांची चौकशी करत आहेत. आतापर्यंत केलेल्या चौकशीमध्ये या महिलांनी याआधीही अनेक ठिकाणी अशा प्रकारची चोरी केल्याचे कबूल केले आहे. पोलीस या महिलांची अजूनही सखोल चौकशी करत आहेत.
गंगा नदीत वाहणाऱ्या मृतदेहांवर कविता लिहिली, गुजरात साहित्य परिषदेने कवयित्रीला ठरवलं ‘नक्षली’https://t.co/oqkmBDbIXQ#GangaRiver #Gujrat #Poem
— TV9 Marathi (@TV9Marathi) June 10, 2021
इतर बातम्या :
(Dombivali police arrested Three women who tried to steal TV from electronic shop)
