लग्नाच्या दुसऱ्याच दिवशी नववधू पसार, चार लाखांच्या दागिन्यांसह सासरहून पोबारा

लग्नासाठी खोटी नवरी उभी करुन 3 लाख 99 हजार 100 रुपयांची फसवणूक केल्याच्या संशयावरुन नांदगाव पोलीस स्टेशनमध्ये फसवणुकीचा गुन्हा दाखल करण्यात आला आहे

Nupur Chilkulwar | Updated on: Feb 10, 2021 | 3:53 PM

मालेगाव : लग्नासाठी खोटी नवरी उभी करुन 3 लाख 99 हजार 100 रुपयांची फसवणूक (Fraud Of Rs 3 lakh 99 Thousand) केल्याच्या संशयावरुन नांदगाव पोलीस स्टेशनमध्ये फसवणुकीचा गुन्हा दाखल करण्यात आला आहे (Fraud Of Rs 3 lakh 99 Thousand).

सदर घटना मागच्या वर्षी नांदगाव तालुक्यातील गंगाधरी येथे 24 जून 2020 ला घडली होती. त्या संदर्भात मंगळवारी (9 फेब्रुवारी) गुन्हा दाखल झाला आहे. पुणे जिल्ह्यातल्या हवेली तालुक्यातला वडकी नाला गावचा निलेश दरेकर (34) वडापाव विक्रेता याने तक्रार दिली होती. संशयित आरोपी संतोष उगलमुगले (मालेगाव), योगेश वाघ (रावळगाव), बालाजी आहेर, विजय चव्हाण (रावळगाव), पूजा शिंदे (एकरुखे), मुलीचे मामा अनिल मोरे, मामी शीतल मोरे यांनी संगनमताने फसवले अशी तक्रार केली आहे.

नेमकं काय घडलं?

गंगाधरी येथे पार पडलेल्या लग्नात पूजा शिंदेला तीन लाख रुपये रोख, 90 हजारांचे सोन्याचे आणि 9100 रुपयांचे चांदीचे दागिने तक्रारदार निलेशने घातले. त्यानंतर लग्नाच्या दुसऱ्याच दिवशी संशयितांनी पूजाचे नातेवाईक असल्याचे भासवून तिला घेऊन फरार झाले. या प्रकरणी फसवणूक झाल्याचा गुन्हा दाखल करण्यात आला आहे. पोलीस निरीक्षक अनिल कातकाडे याच्या मार्गदर्शनाखाली पुढील तपास सुरु आहे.

धुळ्यात एकाच रात्रीत पाच ठिकाणी चोरीचा प्रयत्न, नगरसेवकाच्या घरी चोरीचा डाव फसलाhttps://t.co/LMySbsgQAT @SpDhule #DhuleCrimeNews

— TV9 Marathi (@TV9Marathi) February 10, 2021