पतीच्या नोकरीवरुन पती-पत्नीत वाद झाला, वाद विकोपाला गेला अन् मग दोन निष्पाप मुली अनाथ झाल्या !

दिल्ली : घरगुती वादातून पतीने पत्नीची हत्या केल्याची धक्कादायक घटना दिल्लीतील बाबा हरदास नगर परिसरात घडली. पत्नीची हत्या केल्यानंतर पतीने स्वतःलाही संपवण्याचा प्रयत्न केला. मात्र मुलीचा आरडाओरडा ऐकून शेजारी धावत आले. घरात पती-पत्नीला रक्ताच्या थारोळ्यात पाहून शेजाऱ्यांनी पोलिसांना माहिती दिली. पोलिसांनी तात्काळ घटनास्थळी दाखल होत पती-पत्नीला रुग्णालयात नेले. डॉक्टरांनी पत्नीला मृत घोषित केले, तर जखमी पतीवर उपचार सुरु आहेत. पोलिसांनी हत्येचा गुन्हा दाखल करत पुढील तपास सुरु केला आहे. नेहा असे मयत पत्नीचे नाव आहे, तर विक्की असे आरोपी पतीचे नाव आहे.

आर्थिक चणचणीतून पती-पत्नीमध्ये वाद व्हायचे

विक्की गेल्या चार-पाच महिन्यांपासून कामाला जात नव्हता. नेहा घरकाम करुन कुटुंबाचा उदरनिर्वाह चालवत होती. दोघांना 13 वर्षाची आणि 5 वर्षाची अशा दोन मुली आहेत. पती कामधंदा करत नसल्याने घरखर्च आणि मुलींचा खर्च या सर्वाचा ताण नेहावर एकटीवर येत होता. यामुळे आर्थिक चणचणीतून पती-पत्नीमध्ये नेहमी भांडण व्हायचे. बुधवारी नेहमीप्रमाणे सकाळी दोघांमध्ये वाद झाला.

वाद टोकाला गेला अन्…

भांडणातून विक्कीने नेहावर गंभीर वार करत तिची हत्या केली. यानंतर स्वतःलाही संपवण्याचा प्रयत्न केला. घटना घडली तेव्हा नेहाची छोटी मुलगी शाळेत गेली होती, तर मोठी मुलगी घरात होती. यावेळी मोठ्या मुलीने आरडाओरडा केल्याने शेजारी धावत आले. शेजाऱ्यांनी पोलिसांना बोलावले. पोलिसांनी घटनास्थळी दाखल होत गुन्ह्यातील हत्यार जप्त केले आहे. पती-पत्नीच्या वादात दोन मुली आई-वडिलांच्या मायेला पारख्या झाल्या आहेत. या घटनेमुळे परिसरात एकच खळबळ उडाली.

हे सुद्धा वाचा

गुलाब जामनंतर आता ‘या’ पदार्थावरुन लग्नात राडा, भरमंडपात दोन पक्ष भिडले !

खरेदीच्या बहाण्याने दुकानात घुसला, मग दुकानदार महिलेला बोलण्यात गुंतवून लक्ष विचलित केले, मग…

बहिण-भावाचा वाद झाला, भावाला राग अनावर, मग त्याला नात्याचाही विसर पडला