पोलिसांच्या भीतीने भरधाव वेगात पळत होती जुगाड गाडी, चालकाचे नियंत्रण सुटले अन्…
दिग्गी बकनपूर येथे बेकायदेशीर कोळसा उत्खनन आणि वाहतूक सुरु आहे. या गाडीचा वापर कोळसा वाहतूक करण्यासाठी केला जात होता. पोलिसांनी त्याचा पाठलाग केला असता तो पळून जात होता.
गोड्डा : कोळसा उतरविल्यानंतर पोलिसांच्या भीतीने भरधाव वेगात धावणाऱ्या जुगाड वाहनाचे नियंत्रण सुटले. अनियंत्रित वाहन रस्त्याच्या कडेला असलेल्या एका घरात घुसल्याने आजी नातीचा जागीच मृत्यू झाला. शिवाय दोन गुरेही दगावली. अपघाताची माहिती मिळताच स्थानिक पोलिसांनी घटनास्थळी धाव घेत मृतदेह ताब्यात घेतला आणि शवविच्छेदनासाठी रुग्णालयात पाठवला. नर्गिस खातून आणि फारिया खातून अशी अपघातात मृत्यू झालेल्या आजी-नातीची नावे आहेत. घटनेनंतर वाहन चालक फरार झाला. पोलीस आरोपीचा शोध घेत आहेत. या घटनेमुळे स्थानिक नागरिकांमध्ये प्रचंड संताप व्यक्त करण्यात येत आहे. या घटनेमुळे कुटुंबावर दुःखाचा डोंगर कोसळला आहे.
परिसरात बेकायदेशीर कोळसा उत्खनन आणि वाहतूक सुरु
दिग्गी बकनपूर येथे बेकायदेशीर कोळसा उत्खनन आणि वाहतूक सुरु आहे. या गाडीचा वापर कोळसा वाहतूक करण्यासाठी केला जात होता. पोलिसांनी त्याचा पाठलाग केला असता तो पळून जात होता.
गाडीवरील नियंत्रण सुटल्याने वाहन घरात घुसले अन्…
पळून जाण्याच्या नादात चालकाचे गाडीवरूल नियंत्रण सुटले आणि वाहन एका घरात घुसले. या घटनेत आजी आणि नात गंभीर जखमी झाल्या. नातेवाईकांनी त्यांना तात्काळ रुग्णालयात नेले. मात्र डॉक्टरांनी त्यांना मृत घोषित केले. तसेच एक गाय आणि शेळीही या अपघातात ठार झाल्या.
पोलिसांकडून वाहन चालकाचा शोध सुरु
घटनेनंतर संधी साधत वाहन चालक घटनास्थळावरुन फरार झाला आहे. स्थानिक पोलिसात घटनेची नोंद करण्यात आली असून, पोलीस फरार चालकाचा शोध घेत आहेत.
