Jalgaon : चाकूचा धाक दाखवून नव्या नवरीला जबरदस्ती बाईकवर बसवलं आणि घरात डांबलं! रोडरोमियोला अटक
तू माझी झाली नाहीत, तर तुला कुणाचीच होऊ देणार नाही, असं म्हणत या तरुणानं नवविवाहितेला जबरदस्ती बाईकवर बसवलं आणि तिचं पलायन केलं.
जळगाव : एकतर्फी प्रेमातून औरंगाबादेत चाकूने तरुणीला (Aurangabad Crime News) भोसकण्यात आलं. 200 फूट लांब या तरुणीला खेचत नेल, चाकूने भोसकून तिची हत्या (Murder by knife) करण्यात आल्यानं एकच खळभळ उडाली होती. ही घटना ताजी असतानाच आता जळगावमध्येही (Jalgaon Crime) धक्कादायक प्रकार उघडकीस आला आहे. 20 वर्षांच्या तरुणानं एक नवविवाहीत तरुणीला घरात डांबून ठेवलं होतं. चाकूचा धाक दाखवून बाईकवर बसवलं आणि या तरुणीला मावशीच्या घरामध्ये तरुणाने नवविवाहितेला डांबून ठेवलं. तू माझी झाली नाहीत, तर तुला कुणाचीच होऊ देणार नाही, असं म्हणत या तरुणानं नवविवाहितेला जबरदस्ती बाईकवर बसवलं आणि तिचं पलायन केलं. यावेळी तरुणानं नवविवाहितेच्या हातातील मोबाईलही हिसकावून घेतला होता. तसंच तिला शिवीगाळ करत जीवे मारण्याची धमकीही दिली होती. या संपूर्ण घटनेप्रकरणी पोलिसांनी गंभीर दखल घेत तरुणाच्या मुसक्या आवळ्यात.
कधीची घटना?
ही खळबळजनक घटना 12 मे रोजी घडली. पीडित तरुणी दुपारी तीन वाजता गुजराल पेट्रोल पंपकडून घरी जात होती. त्यावेळी या तरुणीला वाटेत एकानं अडवलं.
कोणंय तो नराधम?
पीडितेला अडवणाऱ्या तरुणानं नाव निखिल सोनावणे असून त्याचं वय 20 वर्ष असल्याची माहिती समोर आली आहे. निखिल हा दुचाकीवर आला आणि त्याने पीडितेचा रस्ता अडवला. तू माझी झाली नाहीस, तुला कुणाचीच होऊ देणार नाही, म्हणत निखिलने पीडितेला चाकूचा धाक दाखवला. इतकंच काय तर तिला जबरदस्त दुचाकीवर बसवलं आणि तिला शिवाजी नगर इथं घेऊन गेला. शिवाजी नगर इथल्या मावशीच्या घरी निखिलने तिला डांबून ठेवलं होतं.
पाहा व्हिडीओ :
या तरुणानं पीडितेच्य वडिलांना जीवे मारण्याची धकमीही दिल्याचा आरोप करण्यात आला आहे. या तरुणाविरोधात करण्यात आलेल्या तक्रारीनंतर पोलिसांनी या संपूर्ण प्रकाराची गंभीर दखल घेतली. त्यानंतर या तरुणाला पोलिसांनी तत्काळ अटकही केली. गुन्हा दाखल करण्यात आलेल्या निखिल सोनावणे या आता न्यायालयानं दोन दिवसांची पोलीस कोठडी सुनावली आहे. जळगाव पोलीस या घटनेप्रकरणी आता अधिक तपास करत आहेत.
