Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Kalyan Crime : डंपरचालकाची हत्या करणाऱ्या दोन्ही आरोपींना अटक, अवघ्या १८ तासांत ठोकल्या बेड्या

डंपरचालकाची हत्या केल्यानंतर दोन्ही आरोपी फरार झाले. ते वांद्रे स्थानकातून पळून बाहेर जात असल्याची माहिती खबऱ्यांनी पोलिसांना दिली. त्यानंतर पोलिसांनी सापळा रचत त्यांना शिताफीने अटक केली. याप्रकरणी अधिक तपास सुरू आहे.

Kalyan Crime : डंपरचालकाची हत्या करणाऱ्या दोन्ही आरोपींना अटक, अवघ्या १८ तासांत ठोकल्या बेड्या
Image Credit source: social media
Follow us
| Updated on: Sep 28, 2023 | 10:50 AM

कल्याण | 28 सप्टेंबर 2023 : शहरातील गुन्हेगारीच्या घटनांमध्ये दिवसेंदिवस वाढ होताना दिसत आहे. त्यातच दुर्गाडी पुलावर डंपरचालकाची अतिशय निर्घृणपणे हत्या (murder in kalyan) करण्यात आल्याने शहर पुन्हा हादरलं होतं. अखेर त्या इसमाच्या मारेकऱ्यांना अटक करण्यात (accused arrested) पोलिसांना यश मिळालं आहे. याप्रकरणी अधिक तपास सुरू असून ही हत्या नेमकी का करण्यात आली याचा तपास पोलिस करत आहेत.

काय आहे प्रकरण ?

पोलिसांनी दिलेल्या माहितीनुसार, दुर्गाडी पुलावर सोमवारी रात्री एक डंपर खराब झाला होता. २४ वर्षीय डंपर चालक भोलाकुमारने तो डंपरला रस्त्याच्या कडेला लावून उभा केला. त्याचवेळी दोन तरूण बाईकवरून सुसाट वेगाने आणि डंपरचालक भोलाकुमार याची निर्घृण हत्या केली. मृत भोलाचा मित्र बादलकुमार माहतो, याने या हत्येची माहिती खडकपाडा पोलिसांना दिली.

पोलिसांनी या प्रकरणी अज्ञात तरूणांविरोधात हत्येचा गुन्हा दाखल करत चौकशी सुरू केली. दुर्गाडी पूल आणि त्याच्या आसपासच्या भागातील सीसीटीव्ही कॅमेऱ्याचे फुटेज पोलिसांनी तपासायला सुरूवात केली. आणि अवघ्या १८ तासांच्या आत त्यांनी दोन्ही मारेकऱ्यांना बेड्या ठोकल्या. अनिस ( रा. कोनगाव) आणि लियाकत ( रा. कल्याण) या दोघांनाही पोलिसांनी अटक केली.

चालकाला तो डंपर शहाडला घेऊन जायचा होता. मात्र डंपर खराब झाल्याने त्याने तो पुलावरच एका साईडला उभा केला होता. तेवढ्यात बाईकवरून दोन तरूण सुसाट वेगाने आले आणि चाकूने वार करून निर्दयीपणे ड्रायव्हर भोलाची हत्या केली. हत्येनंतर दोघेही आरोपी घटनास्थळावरून फरार झाले, असे खडकपाडा पोलिस स्टेशनचे वरिष्ठ पोलीस निरीक्षक सर्जेराव पाटील यांनी सांगितले.

या गुन्ह्याची माहिती मिळाल्यानंतर खडकपाडा पोलिस स्टेशन आणि बाजारपेठ पोलिस स्टेशनमधील अधिकाऱ्यांनी अतिशय हुशारीने तपास करत दोन्ही आरोपींच्या मुसक्या आवळल्या. त्या दोघांनाही ताब्यात घेण्यात आले असून चौकशी सुरू आहे. ही हत्या नेमकी का करण्यात आली, याचा तपासही पोलिस करत आहेत.

पळून जाण्याच्या प्रयत्नात असताना केली अटक

खडकपाडा पोलिस स्टेशनमध्ये हत्येचा एक गुन्हा दाखल करण्यात आला होता. याप्रकरणातील फरार आरोपींच्या शोधासाठी आम्ही वेगेवगळ्या पथकांची स्थापना केली. बाजारपेठ पोलिसांचे एक पथकही आरोपींचा कसून शोध घेत होते.

हे दोन्ही आरोपी वांद्रे रेल्वे स्टेशनवर असून ते बाहेर पळून जाण्याच्या तयारीत होते, अशी माहिती खबऱ्यांनी दिली. त्यानुसार पोलिसांनी सापळा रचत दोन्ही आरोपींना अटक केली. त्यांची कसून चौकशी करण्यात येत आहे, असे पोलिसांनी सांगितले.

'तर बरं झालं असतं', राऊतांच्या 'त्या' टीकेवर प्रफुल्ल पटेलांचा पलटवार
'तर बरं झालं असतं', राऊतांच्या 'त्या' टीकेवर प्रफुल्ल पटेलांचा पलटवार.
पुण्यात गर्भवती महिलेचा मृत्यू, 'दीनानाथ मंगेशकर'च्या पाटीला काळं
पुण्यात गर्भवती महिलेचा मृत्यू, 'दीनानाथ मंगेशकर'च्या पाटीला काळं.
राज्यभरात अवकाळी पावसाचा हैदोस IMD कडून मुंबईसह 'या' जिल्ह्यांना अलर्ट
राज्यभरात अवकाळी पावसाचा हैदोस IMD कडून मुंबईसह 'या' जिल्ह्यांना अलर्ट.
दीनानाथ मंगेशकर रूग्णालयाबाहेर शिवसैनिक आक्रमक, घोषणाबाजीसह चिल्लर फेक
दीनानाथ मंगेशकर रूग्णालयाबाहेर शिवसैनिक आक्रमक, घोषणाबाजीसह चिल्लर फेक.
महिला मजूरांना घेऊन जाणारा ट्रॅक्टर विहिरीत अन्..नांदेडमध्ये काय घडलं?
महिला मजूरांना घेऊन जाणारा ट्रॅक्टर विहिरीत अन्..नांदेडमध्ये काय घडलं?.
'शिंदे, पवार तोंडाला पोपट बांधून फिरतात', संजय राऊत नेमकं काय म्हणाले?
'शिंदे, पवार तोंडाला पोपट बांधून फिरतात', संजय राऊत नेमकं काय म्हणाले?.
शरद पवार यांचा बाप...बापाच्याच पाठीत खंजीर; राऊतांच्या निशाण्यावर कोण?
शरद पवार यांचा बाप...बापाच्याच पाठीत खंजीर; राऊतांच्या निशाण्यावर कोण?.
'हा दलाल... माझ्या नादाला लागू नको, नाहीतर नागडा करीन मी...'- राऊत
'हा दलाल... माझ्या नादाला लागू नको, नाहीतर नागडा करीन मी...'- राऊत.
खोक्याला वनविभागाच्या कोठडीत जबर मारहाण, अंगावर वळ अन्... फोटो व्हायरल
खोक्याला वनविभागाच्या कोठडीत जबर मारहाण, अंगावर वळ अन्... फोटो व्हायरल.
मुंबईकरांनो काळजी घ्या, कारण उद्यापासून... हवामान खात्यानं काय म्हटलं?
मुंबईकरांनो काळजी घ्या, कारण उद्यापासून... हवामान खात्यानं काय म्हटलं?.