एक दिवसाच्या बाळासह काकू कोवळ्या उन्हात बसली, मिनिटभर दुसऱ्या बाईकडे सोपवलं, आणि…

जालना : रुग्णालयात परिसरातून नवजात बाळाची चोरी (New Born Baby Kidnap) झाल्याच्या घटनेने एकच खळबळ उडाली आहे. बाळाची काकू त्याला कोवळ्या उन्हात घेऊन बसली असताना हा प्रकार घडला. कपडे वाळत टाकण्यासाठी काकूने बाळाला एका महिलेकडे सोपवले, मात्र पुढच्या काही मिनिटांतच संबंधित महिला बाळासह पसार झाल्याचा आरोप केला जात आहे. जालना शहरात (Jalna) हा प्रकार घडल्याचं उघडकीस आलं आहे. हे बाळ अवघ्या एक दिवसाचं आहे. या प्रकरणी कदीम जालना पोलीस ठाण्यात तक्रार दाखल करण्यात आली आहे. जालना शहरातील महिला आणि बाल रुग्णालयात भरदिवसा बाळचोरीची घटना घडल्याने आश्चर्य व्यक्त केले जात आहे. पोलीस या प्रकरणाचा अधिक तपास करत असून आरोपी महिलेचा शोध घेत आहेत.

काय आहे प्रकरण?

भरदिवसा रुग्णालयातून बाळ चोरुन नेल्याची धक्कादायक घटना घडल्याचं उघडकीस आलं आहे. या प्रकरणी कदीम जालना पोलीस ठाण्यात तक्रार दाखल करण्यात आली आहे. पोलीस बाळ चोरणाऱ्या महिलेचा शोध घेत आहेत.

एक दिवसाच्या बाळाची चोरी

रुग्णालयातून सकाळी एक दिवसाच्या बाळाची चोरी झाल्याने परिसरात खळबळ माजली आहे. रुकसाना शेख या महिलेची जालना शहरातील महिला आणि बाल रुग्णालयात प्रसुती झाली. तिने एका गोंडस बाळाला जन्म दिला.

नेमकं काय घडलं?

दरम्यान सोमवारी सकाळी 9 वाजताच्या सुमारास या बाळाची काकू बाळाला रुग्णालयातील परिसरात कोवळ्या उन्हात घेऊन बसली होती. यावेळी कपडे वाळायला टाकायचे म्हणून बाळाला त्याच्या काकूने एका महिलाकडे सुपूर्द केले. मात्र पुढच्या काही मिनिटात या बाळाला घेऊन त्या महिलेने पळ काढल्याचा आरोप काकूने केला आहे.

संबंधित बातम्या :

मुंबईतील नायर रुग्णालयातून पाच दिवसांचं बाळ चोरीला

बस प्रवासातील ओळखीतून बाळाचं अपहरण, पुण्यातील महिला अवघ्या काही तासात पोलिसांच्या ताब्यात

साताऱ्यात घरात झोपलेल्या 8 महिन्यांच्या बाळाचे अपहरण, दुचाकीवरुन आलेल्या जोडप्यावर संशय