त्याने आईला मारहाण केली, नंतर तलवार घेऊन पळत सुटला, कल्याणमध्ये माथेफिरुच्या हल्ल्यात पोलीस जखमी
हातात तलवार घेऊन भर रस्त्यात एका माथेफिरूने नागरिकांवर जीवघेणा हल्ला केल्याची धक्कादायक घटना कल्याण येथे घडली आहे.
ठाणे : हातात तलवार घेऊन भर रस्त्यात एका माथेफिरूने नागरिकांवर जीवघेणा हल्ला केल्याची धक्कादायक घटना कल्याण येथे घडली आहे. या हल्ल्यात मानपाडा पोलीस ठाण्याचा एक पोलीस गंभीर जखमी झाला आहे. जखमी झालेल्या पोलिसावर खासगी रुग्णालयात उपचार सुरु असून आरोपीला मानपाडा पोलिसांनी अटक केली आहे. अटक केलेल्या आरोपीचे नाव बबलू सूरज नायक असे आहे. (Manpada Police arrested young boy who attacked Two men and One Police with sword)
धारदार तलवार घेऊन तरुण लोकांच्या मागे पळत होता
मिळालेल्या माहितीनुसार 31 जुलैला सकाळी 9 वाजेच्या सुमारास कल्याण पूर्व पिसवली परिसरात अचानकपणे धांदल उडाली. या परिसरात राहणारा बबलू सूरज नायक या 24 वर्षीय तरुणाच्या हाती एक धारदार तलवार होती. धारदार तलवार घेऊन तो लोकांच्या मागे पळत होता. या परिसरात राहणारे भैय्यासाहेब पांडूरंग अहिरे हे पोलीस कर्मचारी मानपाडा पोलीस ठाण्यात कार्यरत आहेत. यावेळीत ते कर्तव्यावर निघाले होते. याच वेळी बबलूने अहिरे यांच्यावर हल्ला केला. या हल्ल्यात अहिरे यांच्या डोक्याला दुखापत झाली आहे. त्यांना खासगी रुग्णालयात दाखल करण्यात आले.
आरोपी बबलूचा पाठलाग करत त्याला ताब्यात घेतले
या प्रकाराची माहिती मिळताच मानपाडा पोलीस घटनास्थळी दाखल झाले. मुंबई पोलिसात कार्यरत असलेले पोलीस लक्ष्मण पाटील आणि रिक्षा चालक मंगेश पाटील यांनी बबलूचा पाठलाग केला. तसेच हे दोघे आरोपी बबलू याच्या घरी पोहोचले. त्यानंतर लक्ष्मण पाटील आणि मंगेश पाटील यांनी मोठ्या शिताफीने बबलूला पकडले.
आईनेही स्वत:चा जीव वाचवला
हाती आलेल्या माहितीनुसार बबलू याने त्याच्या आईलादेखील जबर मारहाण केली आहे. आईने गॅलरीतून साडी खाली टाकून साडीच्या मदतीने खाली उतरत स्वत:ची सुटका करुन घेतली. आईला मारहाणीबरोबरच बबलूने एका पोलिसासह अन्य दोघांवर तलवारीने हल्ला केला असल्याची माहिती आहे.
आरोपी बबलूला अटक, तपास सुरु
दरम्यान, या प्रकरणी बबलू नायक याला अटक करण्यात आल्याची माहिती मानपाडा पोलीस ठाण्याचे पीएसआय डी. पी. वाघ यांनी दिली. वाघ यांनी सांगितल्याप्रमाणे बबलू हा व्यवस्थित बोलतो आहे. मात्र त्याने तलवार कोठून आणली ? याची माहिती त्याने दिलेली नाही. या घटनेचा अधिक तपास पोलीस करत आहेत.
इतर बातम्या :
VIDEO : पब्लिक मार, ICICI बँकेत दरोडा, पळून जाणाऱ्या नराधमाला पकडला, लोकांनी लाथा-बुक्क्यांनी तुडवला
(Manpada Police arrested young boy who attacked Two men and One Police with sword)
