Kanjurmarg Fire : कांजुरमार्ग येथे इमारतीला आग, अग्नीशमन दलाच्या 14 गाड्या घटनास्थळी

कांजुरमार्ग येथे इमारतीला आग

मुंबई : मुंबई शहरात आगीचे सत्र सुरुच आहे. ताडदेव, करी रोड पाठोपाठ आता कांजुरमार्गमध्येही एका बहुमजली इमारतीला आग (Fire) लागल्याची घटना समोर आली आहे. कांजुरमार्ग येथे एका निवासी इमारतीला सोमवारी दुपारी 1.42 वाजण्याच्या सुमारास भीषण आग लागली आहे. इमारतीच्या नवव्या आणि दहाव्या मजल्यावर ही आग लागली असून परिसरात प्रचंड खळबळ माजली आहे. अग्निशामक दलाच्या14 गाडी घटनास्थळी दाखल झाल्या असून आग विझवण्याचे शर्थीचे प्रयत्न सुरु आहेत. एनजी रॉयल अपार्टमेंट (NG Royal Apartment) या इमारतीच्या अकराव्या मजल्यावर आग लागली असून बचाव कार्य सुरु आहे.

आगीचे कारण अस्पष्ट

इमारतीतील रहिवाशांना सुखरुप बाहेर काढण्याचे प्रयत्न सुरु आहेत. अद्याप कोणत्याही जीविहानीचे वृत्त नाही. मात्र इमारतीचे मोठ्या प्रमाणावर नुकसान झाले आहे. लेवल 2 ची ही आग असून अग्नीशमन दल आग आटोक्यात आणण्यासाठी शर्थीचे प्रयत्न करीत आहे. दरम्यान आगीचे कारण अद्याप कळू शकले नाही. मात्र शॉर्टसर्किटमुळे आग लागल्याचा प्राथमिक अंदाज वर्तवण्यात येत आहे. मात्र तपासानंतरच कारण स्पष्ट होईल.

इतर बातम्या

CCTV | बाईकला वाचवण्याच्या प्रयत्नात कारचा भीषण अपघात, पाच सेकंदात गाडी सात वेळा पलटी

CCTV | भाजप पदाधिकाऱ्यावर प्राणघातक हल्ला, डोंबिवलीत भरदिवसा प्रकार