Bhiwandi Crime : बापलेकीच्या नात्याला काळीमा फासणारी घटना! सहावीतील मुलीचा अत्याचार करत खून, बापाला अटक
Bhiwandi Father killed daughter : अवघ्या दोन तासात आरोपी पित्याला बेड्या ठोकल्या.
भिवंडी : वडील आणि मुलीच्या नात्याला काळीमा फासणारी धक्कादायक घटना भिवंडीतून (Bhiwandi Crime News) समोर आली आहे. जन्मदात्या पित्याने आपल्या दहा वर्षांच्या मुलीवर अमानुष अत्याचार केला. त्यानंतर तिची गळा आवळून हत्या (Bhiwnadi Murder) केली. याप्रकरणी पोलिसांनी नराधम बापाला अटक केली होती. तक्रारीनंतर अवघ्या दोन तासांच्या आत पोलिसांनी अटकेची कारवाई केली. अखेर या नराधम बापाला सात दिवसांची पोलीस कोठडी सुनावण्यात आली आहे. भिवंडीमध्ये ही खळबळजनक घटना घडली. भिवंडीच्या पद्मानगरमध्ये घडलेल्या या घटनेनं सगळेच हादरुन गेले आहेत. घरी कुणी नसल्याचं पाहून या माथेफिरु बापाने आपल्याच मुलीवर डाव (Father killed daughter) साधला. बेरोजगार आणि दारुच्या व्यसनाच्या आहारी गेलेल्या या बापाच्या धक्कादायक कृ्त्याने संपूर्ण भिवंडीत संताप व्यक्त केला जातोय. या घटनेनं राज्यातील मुलींच्या सुरक्षेचा प्रश्न पुन्हा एकदा रामभरोसेच असल्याचं अधोरेखित झालं आहे.
कळलं कसं?
कुठे काम नसलेला हा इसम बायकोच्या पैशांवरच गुजराण करत होता. त्याची बायको एका गोदामात काम करत होती. या दाम्पत्याला एक सहावीत शिकणारी मुलही होती. घरात कुणीच नसल्याचा फायदा घेत या दारुड्या बापाने आपल्या मुलीवप अत्याचार केला आणि त्यानंतर तिची गळा आवळून हत्या केली. यानंतर त्याने घरातून पळ काढला.
कामावरुन जेव्हा या पीडित मुलीची आई घरी परतली, तेव्हा हा खळबळजनक प्रकार समोर आला. महिलेनं आरडाओरडा केला. शेजाऱ्यांच्या मदतीने मुलीला रुग्णालयात नेलं. पण तिथं डॉक्टरांनी या मुलीला मृत घोषित केल्यानं सगळ्यांच मोठा धक्का बसला. याप्रकरणी अखेर पोलिसांत तक्रार दाखल करण्यात आली.
पाहा व्हिडीओ : मोठी राजकीय घडामोड
दोन तासांत अटक
त्यानंतर भिवंडी शहर पोलिसांनी याप्रकरणी तातडीनं कारवाई करत अवघ्या दोन तासात आरोपी पित्याला बेड्या ठोकल्या. त्यानंतर त्याला न्यायालयासमोर हजर करण्यात आलं. अखेर आरोपी पित्याला न्यायालयानं सात दिवसांची पोलीस कोठडी सुनावली आहे.