Gold Smuggling : 5.88 कोटी रुपयांपेक्षा जास्त किंमतीचं सोनं जप्त, डीआरआयची मोठी कारवाई, लखनौ आणि मुंबईतली मोडस ऑपरेंडी सेम

नवी दिल्ली : महसूल गुप्तचर संचालनालयाने (DRI) गेल्या आठवड्यात लखनौ आणि मुंबई येथे सलग दोन जप्ती करून हवाई मार्गाद्वारे सोन्याची तस्करी (Smuggling) करणाऱ्या रॅकेटचे प्रयत्न यशस्वीपणे हाणून पाडले आहेत. या दोन्ही कारवाईत डीआरआयने 5.88 कोटी रुपयांपेक्षा जास्त किंमतीचे 11 किलो सोने जप्त (Siezed) केले आहे. यामध्ये सोने लपवण्याची सामान्य पद्धत होती. याप्रकरणी दक्षिण मुंबईत राहणाऱ्या एका आरोपीला अटक करण्यात आली आहे. आरोपीला न्यायालयात हजर केले असता न्यायालयाने त्याला न्यायालयीन कोठडी सुनावली आहे. तपासाच्या या मोहिमेमुळे हवाई मालवाहू आणि कुरिअर मार्गाने परदेशी मूळ सोन्याची भारतात तस्करी करण्याची नवीन मोडस ऑपरेंडी शोधण्यात मदत झाली आहे. अशा कारवाईमुळे तस्करीच्या अनन्य आणि अत्याधुनिक पद्धती शोधण्याची आणि त्यांचा सामना करण्याची DRI ची क्षमता अधिक मजबूत होतेय. 2021-22 मध्ये, DRI अधिकार्‍यांनी 833 किलो तस्करीचे सोने जप्त केले होते, ज्याची किंमत 405 कोटी रुपये होती.

Directorate of Revenue Intelligence (DRI) foiled attempts of organised gold smuggling though air route by effecting two successive seizures in Lucknow & Mumbai last week, which had a common method of concealment of gold: Ministry of Finance pic.twitter.com/y3Gqxj5tw9

हे सुद्धा वाचा

Ulhasnagar Crime : उल्हासनगरमधील चोर ब्रँडेड गोष्टींचा शौकीन, आयफोन चोरीपासून ते शर्टपर्यंत, याचे कारनामे वाचाच

Buldhana Murder : बुलढाण्यात रामकृष्ण आश्रमात तरुणाचा जळालेल्या अवस्थेत आढळला मृतदेह, घातपाताचा संशय

Manoj Avhad murder case : मनोज आव्हाडचा निर्दयी खून करणाऱ्यांवर 302नुसार गुन्हा दाखल करा, लहुजी शक्ती सेनेचा शिरूरमध्ये रास्तारोको

— ANI (@ANI) May 10, 2022

ड्रेन क्लीनिंग मशीनमध्ये लपवले सोने

गुप्त माहितीच्या आधारे 6 मे रोजी, महसूल गुप्तचर संचालनालयाच्या अधिकाऱ्यांनी (DRI) दुबईहून मुंबईतील छत्रपती शिवाजी महाराज आंतरराष्ट्रीय विमानतळावरील एअर कार्गो कॉम्प्लेक्समध्ये आलेल्या एका मालाची तपासणी केली. डॉक्युमेंटमध्ये, या वस्तूंची “सेक्शनल आणि ड्रम प्रकारची ड्रेन क्लीनिंग मशीन” असे नमूद करण्यात आले होते. परंतु तपासणी केल्यानंतर, 3.10 कोटी रुपयांचे डिस्क स्वरूपात 5.8 किलो सोने आयात केलेल्या मशीनच्या दोन मोटर रोटरमध्ये लपवून ठेवलेले आढळले. एक दिवस आधी 5 मे रोजी लखनौमध्ये डिआरआयने केलेल्या कारवाईच्या पार्श्वभूमीवर मुंबईत कारवाई करण्यात आली. लखनौ प्रकरणातही, डीआरआयने चौधरी चरण सिंग आंतरराष्ट्रीय विमानतळावर एअर कार्गो कॉम्प्लेक्समध्ये “इलेक्ट्रिकल थ्रेडिंग मशीन” मध्ये सोने लपवून ठेवण्यात आले होते. सोन्याच्या चकत्या मशीनमध्ये लपवून ठेवलेल्या आढळल्या. या प्रकरणात 2.78 कोटी रुपये किंमतीचे एकूण 5.2 किलो सोने जप्त करण्यात आले.

2021-22 मध्ये, DRI अधिकार्‍यांनी 833 किलो तस्करीचे सोने जप्त

गेल्या वर्षभरात, डीआरआयने मालवाहू आणि कुरिअरच्या मालवाहतुकीतून नवी दिल्ली येथे करोडोंचे सोने जप्त केले आहे. जुलै 2021 मध्ये, DRI ने कुरिअर कन्सायनमेंटमधून 8 कोटी रुपये किमतीचे 16.79 किलो सोने जप्त केले होते. त्यानंतर नोव्हेंबर 2021 मध्ये एका मालवाहू कन्सायनमेंटमधून 80.13 किलो तस्करीचे सोने जप्त केले होते, ज्याची किंमत 39.31 कोटी होती. ऑगस्ट 2021 मध्ये आणखी एका प्रकरणात, डीआरआयला आंतरराष्ट्रीय कुरिअर टर्मिनल, मुंबई येथे आलेल्या एका मालामध्ये तस्करीचे सोने लपविण्यासाठी समान पद्धतीचा अवलंब करण्यात आला होता. डीआरआयने त्या आयात मालातून 5.25 किलो लपवून ठेवलेले सोने जप्त केले होते, ज्याची किंमत 2.67 कोटी रुपये आहे.

तपासाच्या या मोहिमेमुळे हवाई मालवाहू आणि कुरिअर मार्गाने परदेशी मूळ सोन्याची भारतात तस्करी करण्याची नवीन मोडस ऑपरेंडी शोधण्यात मदत झाली आहे. अशा कारवाईमुळे तस्करीच्या अनन्य आणि अत्याधुनिक पद्धती शोधण्याची आणि त्यांचा सामना करण्याची DRI ची क्षमता अधिक मजबूत होतेय. 2021-22 मध्ये, DRI अधिकार्‍यांनी 833 किलो तस्करीचे सोने जप्त केले होते, ज्याची किंमत 405 कोटी रुपये होती.