पत्नीकडे शारीरिक सुखाची मागणी केली, संतापलेल्या पतीने थेट…
त्याने पत्नीकडे नको ती मागणी केली. याची माहिती मिळताच महिलेचा पती संतापला. मग रागाच्या भरात जे घडले ते भयंकर होते.
मुंबई : महिलेकडे नको ती मागणी करणे एका व्यक्तीला चांगलेच महागात पडले आहे. महिलेच्या पतीने अन्य दोघांच्या मदतीने व्यक्तीची हत्या केल्याची घटना मुंबईतील वरळी परिसरात घडली आहे. राजन दास उर्फ बंगाली असे मयत व्यक्तीचे नाव आहे. याप्रकरणी वरळी पोलिसांनी तीन जणांविरोधात कलम 302 नुसार हत्येचा गुन्हा दाखल केला आहे. सचिन कवंदर, सदा कवंदर आणि भावेश साळवे अशी तिघा आरोपींची नावे आहेत. मयताचे आरोपीच्या पत्नीकडे शारीरिक सुखाची मागणी केली होती. यामुळे महिलेच्या पतीचे त्याचा कायमचा काटा काढला. पोलीस याप्रकरणी अधिक तपास करत आहेत.
पत्नीकडे शरीरसुखाची मागणी केल्याने पती संतापला
राजन दास हा आरोपीच्या पत्नीकडे शारीरिक सुखाची मागणी करत होता. त्या बदल्यात त्याने महिलेला 500 रुपये देऊ केले. महिलेने ही बाब आपल्या पतीला सांगितली. हे ऐकताच पतीला संताप अनावर झाला. त्याने आपला भाऊ आणि भाचा यांना सोबत घेऊन राजनच्या घरी गेले आणि त्याला बेदम मारहाण केली. यात राजनचा मृत्यू झाला.
आरोपींविरुद्ध हत्येचा गुन्हा दाखल
हत्या केल्यानंतर आरोपी घटनास्थळावरून पळून गेल्याची माहिती पोलिसांनी दिली. घटनेची माहिती मिळताच पोलिसांनी तात्काळ घटनास्थळी धाव घेत जखमी राजनला रुग्णालयात दाखल केले, मात्र डॉक्टरांनी त्याला मृत घोषित केले. तिन्ही आरोपींविरुद्ध भारतीय दंड संहितेच्या (आयपीसी) कलम 302 अंतर्गत गुन्हा दाखल करण्यात आला आहे, असे पोलिसांनी सांगितले. या प्रकरणाचा पुढील तपास सुरू आहे.
