Nagpur Crime | गुलाम अशरफीविरोधात आणखी फसवणुकीचा गुन्हा, नागपुरात राष्ट्रवादीचा पदाधिकारी अडचणीत

नागपूर : काही दिवसांपूर्वी गुलाम अशरफीनं राष्ट्रवादी काँग्रेसमध्ये प्रवेश केला. गुलाम अशरफी याच्यावर पोलिसांनी महाराष्ट्र बँक ला 1 कोटी तर इतर 99 लाख रुपयांची फसवणुकीचा गुन्हा दाखल केला. त्याला एक जून रोजी अटक करण्यात आली. पोलिसांनी इतर कोणाची फसवणूक झाली असल्यास पुढे येण्याचं आवाहन केलं. त्यानुसार आता अनेक जण पुढे येत आहेत. आता एका वाहन फायनान्स (Vehicle Finance) कंपनीची फसवणूक केल्याचा प्रकार समोर आला. त्याच्या विरोधात आणखी एक गुन्हा पाचपावली पोलीस स्टेशनमध्ये दाखल करण्यात आला. यात सुद्धा जवळपास 3 कोटी रुपयांची फसवणूक असल्याचं समोर येत आहे. अशी माहिती पाचपावली पोलीस ( Pachpavli Police) ठाण्याचे पोलीस निरीक्षक संजय मेंढे (sanjay Mendhe) यांनी दिली.

कशी करायचा फसवणूक

गुलाम अशरफी हा अनेकांना वाहन फायनन्स करण्यासाठी मदत करायचा. त्यानंतर त्या ग्राहकाला इन्स्टालमेंट भरण्यास मज्जाव करायचा. मी सगळं पाहतो सेटलमेंट करतो असं सांगायचा. जेव्हा कंपनी वाहन सिज करायला यायची तेव्हा हा त्यांना धमकवायचा. स्वस्तात त्या गाड्यांच्या लिलाव करायला सांगत असे. त्या गाड्या स्वस्तात तो खरेदी करायचा. मात्र आता याचा घडा भरला. पोलिसांनी त्याला चांगलंच घेरलं आहे. यात आणखी किती गुन्हे दाखल होणार हे पुढच्या काळात समोर येईल.

गुलाम अशरफीच्या अडचणी वाढणार

नागपुरातील गुलाम अशरफी याला पोलिसांनी काही दिवसांपूर्वी अटक केली. त्याच्यावर आता पाचपावली पोलीस स्टेशनमध्ये आणखी एक फसवणुकीचा गुन्हा दाखल झाला. त्याच्यासोबत आणखी पाच जणांवर गुन्हा दाखल करण्यात आला. त्यामुळे त्याच्या अडचणी आणखी वाढणार आहेत. काही गुंड गुन्हे दाबण्यासाठी राजकीय पक्षात प्रवेश करतात. तसाच प्रकार गुलाम अशरफीच्या बाबतीत झाल्याचं समजतं. गुन्हे दाबण्याचा प्रयत्न करण्यासाठी त्यानं राजकारणात प्रवेश केला. येत्या मनपाच्या निवडणुकीवर त्याचं लक्ष होतं. पण, आता त्याला पोलीस कोठडीची हवा खावी लागत आहे. गुलाम अशरफीनं बँकेतून कर्ज काढण्यासाठी बनावट कागदपत्र तयार केली. नोकरीवर असल्याच्या खोट्या स्लीप बनवल्या. बँकेची फसवणूक केली. दुसऱ्यांनाही कर्ज काढून देण्यास मदत करायचा. त्यांचे हफ्ते चुकवायला लावायचा.

हे सुद्धा वाचा

Nagpur Heatstroke | नागपुरात गेल्या 8 दिवसांपासून तापमान 44-45 डिग्रीपर्यंत, शहरात 3 दिवसांत 4 जण बेशुद्धावस्थेत सापडले, उष्माघाताचे बळी असण्याची शक्यता

Bhandara Crime | बारावीत गुण कमी मिळाले, विषारी औषध घेतले, भंडाऱ्यातील विद्यार्थिनीने स्वतःला संपविले

UPSC : ‘माझे प्रयत्न अपुरे पडतायत!’ यूपीएससीत तीनदा अपयश, तरुणाची नागपुरात आत्महत्या

Nagpur 12th result | बारावीच्या निकालात नागपूर मनपाची भरारी, 99.23 टक्के निकाल : तिन्ही शाखांमध्ये मुलीच अव्वल