पतीपासून विभक्त मुलगी गरोदर, आईचा संताप, 30 वर्षीय लेकीची सुपारी देऊन हत्या
आईने सुपारी देऊन मुलीचा खून केल्याची धक्कादायक घटना चंद्रपूर जिल्ह्यात उघडकीस आली आहे. विरुर पोलिसांनी या हत्याकांडाचा खुलासा केला आहे. पतीपासून विभक्त राहणारी संबंधित महिला गर्भवती राहिल्याने तिच्या चारित्र्याबाबत आईच्या मनात शंका उपस्थित झाली होती.
चंद्रपूर : जन्मदात्यांनीच आपल्या पोटच्या मुलांना संपवल्याच्या घटनांमध्ये गेल्या काही दिवसात वाढ झाल्याचं पाहायला मिळत आहे. आईने सुपारी देऊन मुलीचा खून (Mother killed Daughter) केल्याचा धक्कादायक प्रकार नुकताच समोर आला आहे. चंद्रपूर जिल्ह्यातील राजुरा तालुक्यातील विरुर पोलिस ठाण्याच्या हद्दीत (Chandrapur Crime) ही घटना घटना घडली आहे. 30 वर्षीय तरुणी तेलंगणाच्या विजयवाडा जिल्ह्यातील कोंडापल्ली येथील रहिवासी होती. पतीपासून विभक्त झालेली मुलगी गर्भवती झाल्याने आईचा संताप झाला. त्यामुळे तिने लेकीच्या हत्येचा रचला कट (Murder) रचल्याचा आरोप आहे. 30 हजार रुपयांच्या मोबदल्यात नातेवाईकांनीच तिची सुपारी घेतल्याचा दावा केला जात आहे. आरोपी महिलेच्या नातात्यातील दाम्पत्याने पीडितेला विहिरीत ढकलून तिचा खून केला. पोलिसांनी या हत्ये प्रकरणी तीन आरोपींना अटक केली आहे.
काय आहे प्रकरण?
आईने सुपारी देऊन मुलीचा खून केल्याची धक्कादायक घटना चंद्रपूर जिल्ह्यात उघडकीस आली आहे. विरुर पोलिसांनी या हत्याकांडाचा खुलासा केला आहे. 18 फेब्रुवारीला एका अज्ञात महिलेचा मृतदेह राजुरा तालुक्यातील कविटपेठ येथे विहिरीत आढळला होता. महिलेची ओळख पटविण्यासाठी विरुर पोलिसांनी तेलंगणा आणि आंध्र प्रदेशमध्येही तिचे फोटो पाठवले होते. त्यावरुन मयत महिला तेलंगणाच्या विजयवाडा जिल्ह्यातील कोंडापल्ली येथील रहिवासी असल्याची माहिती पुढे आली.
मुलीच्या चारित्र्याबाबत आईला शंका
पतीपासून विभक्त राहणारी संबंधित महिला गर्भवती राहिल्याने तिच्या चारित्र्याबाबत आईच्या मनात शंका उपस्थित झाली होती. त्यामुळे गर्भपात करण्याच्या बहाण्याने तिच्या आईने मुलीला राजुरा तालुक्यातील मुंडीगेट येथील नातेवाईकाकडे पाठवले.
तीस हजारांची नातेवाईकांना सुपारी
तीस हजारांसाठी मुंडीगेट येथील नातेवाईक सीन्नू आणि त्याची पत्नी शारदा यांनी विहिरीत ढकलून महिलेचा खून केला. मात्र पोलिसांनी आरोपींचे कॉल डिटेल्स आणि जबाबतील विसंगती यांच्या आधारे खुनाचा उलगडा केला. महिलेची आई लचमी, नातेवाईक सीन्नू आणि शारदा यांना अटक करण्यात आली आहे.
संबंधित बातम्या :
माय तू वैरीण निघालीस.. प्रियकराच्या मदतीनं आईनंच केला मुलाचा खून, औरंगाबादमधील वैजापूरची घटना
दोघे भाऊ बहिणीच्या घरी भांड-भांड-भांडले, वादात मध्यस्थी करणाऱ्या भावोजींची हत्या
कॉन्स्टेबल नवऱ्याची कॉन्स्टेबल बायको, नायब तहसीलदारावर जीव जडला, नाल्यात मृतदेह आढळला