विवाहबाह्य प्रेम संबंध उघड होण्याच्या भीतीने तरुणाचा निर्घृण खून, नांदेडमध्ये विवाहित महिलेसह प्रियकराला अटक

नांदेड : विवाहबाह्य संबंधाची माहिती उघड करण्याची धमकी देणाऱ्याचा खून करण्यात आल्याची (Nanded Youth Murder) घटना नांदेडमध्ये घडली आहे. देगलूर तालुक्यातील कुडली या गावातील ही घटना आहे. या गावातील एका विवाहित महिलेचे एका अविवाहित तरुणासोबत विवाहबाह्य प्रेमसंबंध होते. याबाबत गावातील आणखी एका व्यक्तीला माहिती होती. तो आपल्या विवाहबाह्य प्रेम प्रकरणाबाबत कुठे वाच्यता करेल या भीतीने त्याचा खून करण्यात आला. याप्रकरणी पोलिसांनी आरोपी जोडप्याला अटक केली आहे (Nanded Youth Murder).

नेमकं प्रकरण काय?

नांदेड जिल्ह्यातील देगलूर तालुक्यातील पोलीस ठाणे मरखेल अंतर्गत येणाऱ्या मौजे कुडली येथे विवाहबाह्य संबंधाचा उलगडा करणाऱ्या एका 27 वर्षीय युवकाचा खून केल्याची घटना उघडकीस आली आहे.

दरम्यान, पोलीस सूत्रांकडून मिळालेली अधिक माहिती अशी की, मौजे कुडली येथील रहिवासी हानमंत पुंडलिक जाधव यांचा मुलगा जगदीश (वय 27) हा 1 जानेवारीपासून घरातून निघून गेला. नातेवाईकांकडे शोध घेतल्यानंतरही तो कुठेच सापडला नाही. त्यामुळे 6 जानेवारीला त्यांनी पोलीस ठाणे मरखेल येथे बेपत्ता असल्याची तक्रार दाखल केली होती.

25 फेब्रुवारीला कुडली शिवारात एका अनोळखी इसमाच्या डोक्याची कवटी आढळून आल्याची माहिती मरखेल पोलिसांना मिळाली. पोलीस ठाणे मरखेलचे सहपोली निरीक्षक आदित्य लोणीकर आणि पोलीस उपनिरीक्षक अजित बिरादार यांनी आपल्या सहकाऱ्यांसह घटनास्थळी धाव घेतली. यावेळी चंदरबाई जाधव यांच्या शेतातील वाढलेल्या गवतात माणसाच्या अवयवाची काही हाडे, कपडे चप्पल आढळून आले. यावेळी पोलिसांनी जगदीश याचे वडील पुंडलिक जाधव यांना घटनास्थळी बोलावून घेतले. तेव्हा कपड्यावरुन त्यांनी आपलाच मुलगा असल्याची ओळख पटवली. त्यांनी आपल्या मुलाचा घातपात झाला असल्याची शंका व्यक्त केली.

नांदेड जिल्ह्याचे पोलीस अधीक्षक प्रमोद शेवाळे यांच्या नेतृत्तवात पोलिसांनी आपल्या तपासाची चक्रे फिरवली. तब्बल एक महिन्याच्या तपासात अखेर सत्य घटनेचा छडा लावण्यात मरखेल पोलिसांना यश आले.

प्रेमाचा उलगडा करण्याच्या भीतीने खून

मृत जगदीश यांच्या शेजारी असलेली विवाहित महिला अनुसया संतोष गोंदे (वय 27) आणि त्याच गावात राहणारा शुभम मोहन चिलमपाढे (वय 22) यांच्यात प्रेम सूत जुळले. विवाहबाह्य ही प्रेम कहाणी शेजारी राहत असलेल्या जगदीशला कळाली. यातच जगदीश याबाबतची वाच्यता गावच्या माहिती पटलावर करण्याचे या दोघांना कळवले (Nanded Youth Murder).

प्रेमाचा उलगडा होणार, अशी भीती अनुसया गोंदे आणि शुभम चिलमपाडे यांना होती. यातच त्या दोघांनी मिळून जगदीशचा काटा काढायचं ठरवलं. त्यानंतर या दोघांनी जगदीशचा विश्वास संपादन करुन 2 जानेवारीला मध्यरात्री त्याला कुडली शिवारात घेऊन गेले. त्याच्या डोळ्यात मिरचीची पूड टाकून त्याच्या गुप्तांगावर, डोक्यावर आणि चेहऱ्यावर लाथाबुक्क्यांनी वार केले. त्यानंतर गळा आवळून त्याचा खून केला. ही घटना लपवण्यासाठी त्याचा मृतदेह चंदर बाई जाधव यांच्या शेतात नेऊन टाकण्यात आले, अशी कबुली स्वत: आरोपींनी दिले.

या दोघांना पोलिसांनी अटक केली असून त्यांच्यावर कलम 34/2021 नुसार 302, 301, 34 गुन्हे देखल केले आहेत. याप्रकरणी देगलूर न्यायालयाने त्यांना सात दिवसाची पोलीस कोठडी सुनावली आहे. पुढील तपास पोलीस करत आहेत.

मुलीला भूतबाधा झाल्याचा बनाव, वेळेवर उपचार न मिळाल्याने मुलीचा मृत्यू, दोन भोंदू बाबांना साताऱ्यात अटकhttps://t.co/lMtctnaot4#Superstition #Bhondubaba

— TV9 Marathi (@TV9Marathi) February 26, 2021

Nanded Youth Murder

संबंधित बातम्या :

मोठी बातमी: पुण्यात पोलीस कर्मचाऱ्याची गळफास घेऊन आत्महत्या

ऐकावं ते नवल, हत्येच्या खटल्यात कोंबडा पोलीस कोठडीत, कोर्टासमोरही हजर करणार

बेल वाजवण्याच्या दोरीने बसमध्येच गळफास, कंडक्टरच्या आत्महत्येने मराठवाड्यात खळबळ