सॉरी जान, 2 दिवस लेट झाला ! प्रियकराच्या निधनानंतर नववधूनेही संपवलं जीवन

कौटुंबिक वादातून पत्नीसह सासू-सासऱ्यांना संपवले

जयूपर : प्रेयसीच्या लग्नामुळे उध्वस्त झालेल्या प्रियकराने विहीरीत उडी मारून जीव दिला. तर प्रियकराच्या जाण्याचे वृत्त कळल्यावरअवघ्या दोन दिवसांपूर्वीच लग्न झालेल्या नववधूनेही ( newly married woman killed herself) तिच आयुष्य संपवल्याची धक्कादायक घटना समोर आली आहे. दोघांच्याही मृत्यूमुळे गावात हळहळ व्यक्त होत असून त्यांच्या कुटुंबियांचा दु:खाला पारावार उरलेला नाही. राजस्थानच्या बाडमेरमध्ये ही दु:खद घटना घडली असून आत्महत्या करण्यापूर्वी प्रेयसीने सोशल मीडियावर तिचा व प्रियकराचा फोटो टाकत एक स्टेटसही शेअर केले होते.

‘आपण एकत्र जगण्या-मरण्याची शपथ घेतली होती ना, मग एकट्याने असे पाऊल का उचलले? तू मला या क्रूर जगात एकटे का सोडले ? असा सवाल प्रेयसीने विचारला आहे. ‘ पण हरकत नाही, आता मी तुझ्याकडे येत आहे. तू नेहमीच माझी जान असशील. दोन दिवस झाला, त्यासाठी माफ कर.’ अशा आशयाचा मेसेज तिन लिहीला आहे.

4 जुलै रोजी झाले होते लग्न

शोभाला जेतमाल येथे राहणाऱ्या या युवतीचे (वय २२) आणि त्याच गावातील एका तरूणाचे (वय २८) एकमेकांवर प्रेम होते. दोघंही स्पर्धा परीक्षेची तयारीही करत होते. मात्र अचानक ४ जुलै रोजी तिचे लग्न दुसऱ्या व्यक्तीशी झाले. यामुळे हताश झालेल्या प्रियकराने त्याच दिवशी विहीरीत उडी मारून जीव दिला. ५ जुलै रोजी जेव्हा ती नवविवाबीत तरूणी माहेर आली, तेव्हा तिला तिच्या प्रियकराच्या आत्महत्येबद्दल कळलं.

विहीरीत सापडला नवविवाहीतेचा मृतदेह

शुक्रवारी, 7 जुलै रोजी सकाळी विवाहीत तरूणी तिच्या घरातून भांडी घेऊन गोठ्यात, दूध काढण्यासाठी गेली होती. मात्र बराच वेळ होऊनही ती न परतल्याने नातेवाईकांनी तिचा शोध सुरू केला. तिच्या पायाच्या ठशांवरून शोधत-शोधत तिचे नातेवाईक विहिरीजवळ पोहोचले. तेथे विहिरीत त्या नवविवाहितेचा मृतदेह आढळला. या घटनेची माहिती मिळताच पोलिसांनी मृतदेह ताब्यात घेऊन शवविच्छेदनासाठी पाठवला. त्यानंतर तो मृतदेह नातेवाईकांच्या ताब्यात देण्यात आला. याप्रकरणी पुढील तपास सुरू आहे.