महाडमधील लॉजवर रात्री अडीच वाजता काय घडलं, मनोरमा खेडकरला पकडण्यासाठी पोलिसांनी असा ट्रॅप लावला

गेल्या अनेक दिवसांपासून चर्चेत असलेल्या वादग्रस्त IAS पूजा खेडकर यांच्या अडचणीत वाढ होताना दिसत आहे. पूजा खेडकर यांचं प्रशिक्षण थांबवलेलं असून त्यांना 23 जुलैपर्यंत मसुरी येथील अकॅडमीध्ये हजर राहण्यास सांगितलं आहे. यामध्ये पूजा खेडकर यांनी पुण्याचे जिल्हाधिकारी सुहास दिवे यांच्यावर छळ केल्याचा आरोप केल्याने प्रकरण वाढलं आहे. अशातच पूजा खेडकर यांच्या आई मनोरमा खेडकर यांना पोलिसांनी अटक केली. आज त्यांना कोर्टात हजर केल्यावर तीन दिवसांची पोलीस कोठडी सुनावली आहे. मनोरमा खेडकर फरार असल्याने त्यांचा शोध घेण्यासाठी पुणे पोलिसांची पथके रवाना झाली होतीत. पोलिसांना अखेर यश आलंं मात्र पोलिसांनी ट्रॅप लावत महाडमधील एका लॉजमधून त्यांना ताब्यात घेतलं.

मनोरमा खेडकर यांना पहाटे सहा वाजता महाडमध्ये अटक करण्यात आली. हिरकरणीवाडीमधील पार्वती निवास हॉटेलमध्ये त्यांना बेड्या ठोकल्या. लॉजवर राहण्यासाठी खोट्या नावाने मनोरमाने हॉटेलमध्ये रूम बुक केली. इंदू ज्ञानदेव ढाकणे नाव सांगत आई आणि मुलासाठी रूम घेतली होती. ड्रायव्हरला त्यांनी आपला मुलगा दाखवलं होतं. पोलिसांनाा त्यांच्या ठिकाणाची खबर लागली, रातोरात त्यांच्या मागावर असलेले पोलीस महाडमध्ये पोहोचल.

रात्री अडीच वाजता मनोरमा खेडकर लपून बसलेल्या हॉटलेमध्ये पोलीस दाखल झाले त्यानंतर त्यांना ताब्यात घेतलं. पोलिसांनी तिथल्या स्थानिक पोलीस ठाण्यात नोंद करून मनोरमा खेडकर यांना पुण्यात आणलं. मुळशीमधील शेतकऱ्यांना बंदुकीचा धाक दाखवत धमकावल्याने ही कारवाई करण्यात आली. मनोरम खेडकरांवर 11 विविध कलांतर्गत गुन्हा दाखल आहे. या अटकेनंतर ज्यांनी हे सर्व प्रकरण समोर आणलं ते माहिती अधिकार कार्यकर्ते विजय कुंभार यांनी आपली प्रतिक्रिया दिली.

ज्या वेगाने कारवाई व्हायला हवी त्या वेगाने कारवाई होत नाही. यांना अटक झाली ही चांगली गोष्ट, कारण हे प्रकरण उजेडात आल्यानंतर बऱ्याच जणांना तक्रार करण्याची शक्ती मिळावी. आता अटक झाल्यानंतर आणखी काही तक्रारी येतील आणि सर्व बाजूनं कारवाईची सुरुवात होईल असं वाटतंय, असं माहिती अधिकार कार्यकर्ता विजय कुंभार यांनी म्हटलं आहे.

पूजा खेडकर यांना मसुरी येथून आलेलं पत्र

तुमचे जिल्हा प्रशिक्षण पुढे करण्यात आलं असून पुढील आवश्यक कारवाईसाठी तुम्हाला तात्काळ परत बोलावण्याचा निर्णय घेण्यात आला आहे. तुम्हाला महाराष्ट्र राज्य सरकारच्या जिल्हा प्रशिक्षण कार्यक्रमातून मुक्त करण्यात आले आहे. तुम्हाला शक्य तितक्या लवकर आणि 23 जुलै 2024 पर्यंत कोणत्याही परिस्थितीत अकॅडमीमध्ये हजर रहावं लागणार असल्याचं पत्रात म्हटलं आहे.