Pimpri Chinchwad Suicide : विवाहितेच्या प्रेमात पडला, अखेर तिच्याच जाचाला कंटाळला!
विकासने आत्महत्या करण्यापूर्वी लिहिलेल्या चिठ्ठीतून महिलेवर केले सनसनाटी आरोप
पिंपरी चिंचवड : विवाहबाह्य संबंध ठेवणाऱ्या महिलेच्या जाचाला कंटाळून तिच्या प्रियकराने आत्महत्या (Pimpri Chinchwad Suicide) केलीय. ही धक्कादायक घटना पिंपरी चिंचवड (Pimpri Chinchwad Crime News) इथं घडली. आत्महत्या करण्याआधी प्रियकराने सुसाईड नोट लिहून गंभीर आरोप केला होता. आता याप्रकरणी पोलीस अधिक तपास करत आहेत. मात्र अद्याप संशयित आरोपी महिलेला अटक करण्यात आलेली नाही. आत्महत्या करणाऱ्या व्यक्तीचं नाव विकास माळवे (Vikas Malve) असं आहे.
दुसऱ्या कुणाशी लग्न करायचं नाही, असा इशारा महिलेनं प्रियकराला दिला होता. तू माझ्या सोबत येऊ राहा. माझ्यासोबत राहिला नाहीस, तर पोलिसात जाऊन केस करेन, अशी धमकी आरोपी विवाहित महिलेनं प्रियकराला दिली होती, असा आरोप करण्यात आली.
सुसाईड नोटमध्ये याबाबतचा उल्लेख आढळल्यानं पोलिसही चक्रावून गेले आहेत. विकास विलास माळवे नावाच्य व्यक्तीने गळफास लावून घेत आपली जीवनयात्रा संपवली. या घटनेची माहिती मिळताच पोलिसांनी घटनास्थळी जाऊन तपास केला. तेव्हा पोलिसांनी एक सुसाईड नोट आढळून आली.
महिलेच्या जाचाला कंटाळून विकास विलास माळवे यांने आत्महत्या केली आहे का, याचा छडा लावण्याचं काम आता पोलिसांसमोर उभं ठाकलंय. विकास माळवे यांने आत्महत्या करण्याआधी लिहिलेची चिठ्ठी पोलिसांनी ताब्यात घेतली. मात्र अद्याप याप्रकरणी कुणालाही अटक करण्यात आलेली नाही. या आत्महत्याप्रकरणाने परिसरात एकच खळबळ माजलीय.
ज्या महिलेच्या जाचाला विकास याने आत्महत्या केली, ती महिला कोण? याचाही शोध घेतला जातो आहे. पोलीस त्या अनुषंगाने तपास करत आहेत. दरम्यान, विकास माळवे याच्या आत्महत्येनं त्यांच्या कुटुंबीयांनाही मोठा धक्का बसला आहे.