Solapur crime : खोडकरपणाची भयंकर शिक्षा ! बापानेच मुलाच्या कोल्ड्रिंकमध्ये.. नराधमाच्या कृत्याने अख्खं गावच हादरलं

सोलापूर | 30 जानेवारी 2024 : सोलापूरमधून काळजाला घरं पडतील अशी एक भयानक बातमी समोर आली आहे. संक्रांतीच्या दिवशी संपूर्ण शहर तिळगूळ वाटत आनंद साजरा करत असतानाच एका इसमाने त्याच्याच पोटच्या पोराचा जीव घेतल्याची धक्कादायक घटना घडली आहे. जन्मदात्या पित्यानेच मुलाला कोल्डड्रिंकमधून विष देऊन त्याचं आयुष्य संपवल्याचा खळबळजनक प्रकार उघडकीस आला. विजय बट्टू असे आरोपीचे नाव असून त्यानी पोटच्या मुलाला संपवलं. त्यामागचं कारण ऐकून तर मोठा धक्का बसेल.

मुलाच्या शाळेतून सतत तक्रारी यायच्या, त्याचा खोडकरपणा, अभ्यास न करणे,सतत मोबाईल पाहणे, या त्याच्या चुकीच्या सवयींमुळे पित्याच्या मनात राग होता आणि त्यामुळेच त्याने हे टोकाचे पाऊल उचलले.अखेर 15 दिवसांनी त्यांनी या गुन्ह्याची स्वतःच कबुली दिल्यानंतर पोलिसांनी त्यांना बेड्या ठोकल्या.

नेमकं झालं तरी काय ?

मिळालेल्या माहितीनुसार, सोलापूर-तुळजापूर हायवे रोडवरील सर्विस रोडलगत नाल्याजवळ एका लहान मुलगा पडलेला आढळला होता. संबंधित माहिती मिळताच जोडभावी पेठ पोलिसांनी घटनास्थळ गाठून तत्काळ त्या मुलाला, सिव्हिल हॉस्पिटलमध्ये उपचारांसाठी पाठवले. मात्र तेथे उपचारापूर्वीच डॉक्टरांनी त्याला मृत घोषित केलं होत. पोलिसांनी तपास केला असता त्या मुलाची ओळख पटली आणि तो भवानी पेठ, सोलापूर येथील रहिवासी असल्याचे समजले.

पोलिसांनी पुढील तपास सुरू केला असता, मृत मुलगा हा घटनेच्या दिवशी संध्याकाळी घरातून बाहेर पडला. त्यानंतर पोलिसांनी वेगाने तपास करत त्याचे घर ते जिथे त्याचा मृतदेह सापडला, तिथपर्यंतचे सीसीटीव्ही फुटेज तपासले असता त्याचे वडीलच त्याच्या मृत्यूस कारणीभूत ठरल्याचे स्पष्ट झाले. त्यानंतर पोलिसांनी विजय यांची कसून चौकशी केली असता त्यांनी गुन्ह्याची कबुली दिली.

तक्रारी, खोडकरपणाला वैतागून घेतला मुलाचा जीव

आरोपीने दिलेल्या माहितीनुसार, त्यांचा मुलगा हा शाळेत तसेच घरीही, शेजारी अनेकांच्या खोड्या काढायचा, त्यामुळे त्याच्याबद्दल लोक सतत तक्रारी घेऊन यायचे. तसेच तो अभ्यास करायचा नाही, सतत मोबाईल पहायचा. याचाही आरोपीला खूप राग यायचा. याच रागातून ते संक्रांतीच्या दिवशी मुलाला घएऊन बाहेर पडले आणि मोटार सायकलवर बसवून निर्मनुष्य ठिकाणी घेऊन गेले. तेथे त्यांनी कोल्डड्रिंकमध्ये सोडीयम नायट्रेटची विषारी पावडर मिसळली आणि ते मुलाला प्यायला दिले. ज्यामुळे त्यांच्या मुलाचा मृत्यू झाला. याप्रकरणी सोलापुरातील जोडभावी पेठ पोलीस ठाण्यात भारतीय दंड संहिता कलम 302 प्रमाणे गुन्हा दाखल करण्यात आला असून अधिक तपास सुरू आहे.