Suspicious Death : पती परदेशात नोकरीला, पत्नीचा सासरच्या घरी संशयास्पद मृत्यू; महिलेसोबत नेमके काय घडले?
अचानक शुक्रवारी विभाचा मृत्यू झाल्याचे कळल्याने एकच खळबळ उडाली. विभाच्या नातेवाईकांनी तिच्या सासरच्यांवर तिची हत्या केल्याचा आरोप केला आहे. तसेच तिचा दिर तिला नेहमी मारहाण करत जीवे मारण्याची धमकी द्यायचा.
मुझफ्फरपूर : विवाहितेच्या संशयास्पद मृत्यू झाल्याने बिहारमधील मुझफ्फरपूर जिल्ह्यात एकच खळबळ उडाली आहे. महिलेचा पती परदेशात नोकरीला असतो. महिला आपल्या तीन मुलांसह सासरच्या लोकांसोबत राहत होती. महिलेच्या गळ्यावर फासाचे व्रण असल्याने तिच्या नातेवाईकांनी सासरच्या लोकांवर हत्येचा आरोप केला आहे. विभा देवी असे मयत महिलेचे नाव आहे. पोलिसांनी महिलेचा मृतदेह ताब्यात घेत शवविच्छेदनासाठी रुग्णालयात पाठवला आहे. शवविच्छेदन अहवालानंतरच सत्य समोर येईल. सध्या पोलीस नातेवाईकांचे जबाब नोंदवत आहेत.
महिलेचा पती कामानिमित्त परदेशी असतो
रतनौली येथील राजीव ठाकूर परदेशात नोकरी करतो. त्याची पत्नी विभा देवी आणि तीन मुलं त्याच्या कुटुंबीयांसोबत रतनौली गावात राहतात. मात्र कुटुंबातील लोक पतीच्या अनुपस्थितीत विभाचा खूप छळ करायचे. विभाला नेहमी मारहाण करायचे. लहान दिरही तिला खूप मारहाण करायचा.
महिलेच्या नातेवाईकांकडून हत्येचा आरोप
अचानक शुक्रवारी विभाचा मृत्यू झाल्याचे कळल्याने एकच खळबळ उडाली. विभाच्या नातेवाईकांनी तिच्या सासरच्यांवर तिची हत्या केल्याचा आरोप केला आहे. तसेच तिचा दिर तिला नेहमी मारहाण करत जीवे मारण्याची धमकी द्यायचा.
पोलिसांकडून अधिक तपास सुरु
महिलेच्या मृत्यूची माहिती मिळताच स्थानिक पोलीस घटनास्थळी दाखल झाले. पोलिसांनी पंचनामा करत मृतदेह ताब्यात घेत शवविच्छेदनासाठी पाठवला. पोलीस या प्रकरणाचा सखोल तपास करीत आहेत.
उत्तर प्रदेशात हुंड्यासाठी नवविवाहितेची हत्या
हुंड्यासाठी एका नवविवाहितेचा छळ करुन तिची हत्या केल्याची घटना उत्तर प्रदेशातील गाझीपूरमध्ये घडली आहे. याप्रकरणी महिलेच्या वडिलांच्या तक्रारीनुसार आरोपी पती आणि सासरच्यांविरोधात गुन्हा दाखल करण्यात आला आहे.
