Mutton | बायको मटण बनवत नाही, पोलिसांना फोन करणं नवऱ्याला महागात, आता फक्त ‘जेल का खाना’

हैदराबाद : जिभेचे चोचले न पुरवणाऱ्या बायकोविरोधात (Husband Wife) नवऱ्याने थेट पोलिसात धाव घेतली. बायको आपला आवडीचा मटण रस्सा (Mutton Curry) रात्रीच्या जेवणात बनवत नसल्याने नवरा चांगलाच चिडला. अखेर त्याने तेलंगणातील (Telangana) नालगोंडा पोलिसांच्या 100 नंबर पोलीस हेल्पलाईनवर वारंवार कॉल केले. याबद्दल आरोपी पती नवीन याला पोलिसांनी अटक केली आहे होळीच्या रात्री म्हणजे शुक्रवार 18 मार्च रोजी ही घटना घडली. पत्नीने मटण करी तयार केली नाही, म्हणून नवीनला राग आला. वाद झाल्यानंतर त्याने 100 नंबर डायल करून पोलिसांना फोन केला होता.

नेमकं काय घडलं?

बायको आपला आवडीचा मटण रस्सा जेवणात बनवत नसल्याने नवऱ्याने चिडून पोलिसात तक्रार केली. सुरुवातीला जेव्हा नवीनने पोलिस नियंत्रण कक्षाचा नंबर डायल केला आणि नेमकं काय घडलं, ते सांगत पत्नीविरुद्ध ‘तक्रार’ केली, तेव्हा त्याने दारुच्या नशेत कॉल केल्याचा समज ऑपरेटरने केला.

सहा वेळा कॉल

सलग सहा वेळा कॉल केल्यानंतर ऑन ड्युटी पोलिसांनी आपल्या वरिष्ठांना याविषयी माहिती दिली. त्यानंतर पोलिसांची गस्तीवर असलेली गाडी नवीनच्या घरी पाठवण्यात आली होती, पण तो मद्यधुंद अवस्थेत होता. त्यामुळे पोलिस त्याला तसेच सोडून परतले.

दुसऱ्या दिवशी पोलिसांकडून अटक

शनिवारी सकाळी पोलिस पुन्हा चेर्ला गौराराम गावातील त्याच्या घरी धडकले आणि त्यांनी नवीनला ताब्यात घेतले. नवीनवर भारतीय दंड संहितेच्या कलम 290 (सार्वजनिक उपद्रव) आणि 510 अंतर्गत गुन्हा दाखल करण्यात आला होता.

संबंधित बातम्या :

Live In Video: लिव्ह इनचं झिंगाट, रस्त्यावर गोंगाट, पोट्टं टाईट, पोरीसोबत भररस्त्यात फाईट

‘हा’ माझा बायको पार्वती… पत्नीला पुरुषांचं जननेंद्रिय, फसवणुकीचा दावा करत नवरा सुप्रीम कोर्टात

स्टेशनवर किसिंगचा कहर, मुंबईतल्या त्या जोडप्याची जोरदार चर्चा, बिचाऱ्यांवर जीआरपीकडून गुन्हा