घरासमोर खेळता खेळता अचानक गायब झाली मुले, दोघा भावंडांसोबत नक्की काय घडले?
गुंजाळ यांची दोन्ही मुले बुधवारी दुपारी नेहमीप्रमाणे शाळेतून घरी आली. त्यानंतर ती घराबाहेर खेळत होती. काही वेळाने आई मुलांना पहायला गेली असता मुले घराबाहेर दिसली नाहीत.
सिन्नर / उमेश पारीक (प्रतिनिधी) : घराबाहेर खेळत असतानाचा दोन भावंडे अचानक गायब झाल्याची धक्कादाक घटना सिन्नर तालुक्यातील कानडी मळा परिसरात घडली आहे. मुलं घराबाहेर दिसली नाहीत म्हणून आई-वडिलांनी त्यांचा सर्वत्र शोध सुरु केला. मात्र मुलांचा कुठेच थांगपत्ता लागला नाही. अखेर रात्री उशिरा सिन्नर पोलिसात मुले बेपत्ता झाल्याची तक्रार नोंदवण्यात आली. दोन दिवस झाले तरी मुलांचा अद्याप शोध लागला नाही. मुलांचा शोध घेण्यासाठी पोलीस कसून तपास करत आहेत. दोन मुले अचानक गायब झाल्याने आई-वडिलांना दुःख अनावर झाले आहे.
आई-वडिल मोलमजुरीचे काम करतात
सिन्नर येथील कानडी मळा परिसरात सरला गुंजाळ आणि सदाशिव गुंजाळ हे दोघे आपल्या 12 वर्षाच्या आणि 11 वर्षाच्या दोन मुलांसह राहतात. दोघेही पती मोलमजुरीचे काम करुन कुटुंबाची उपजिवीका करतात.
घराबाहेर खेळत असताना अचानक गायब झाली
गुंजाळ यांची दोन्ही मुले बुधवारी दुपारी नेहमीप्रमाणे शाळेतून घरी आली. त्यानंतर ती घराबाहेर खेळत होती. काही वेळाने आई मुलांना पहायला गेली असता मुले घराबाहेर दिसली नाहीत.
सिन्नर पोलीस ठाण्यात मुले बेपत्ता झाल्याची तक्रार
आई आणि वडिलांनी आजूबाजूला मुलांचा शोध घेतला. रात्री उशिरापर्यंत बराच शोध घेऊनही मुलांचा थांगपत्ता लागला नाही. अखेर आई-वडिलांनी सिन्नर पोलीस ठाणे गाठत याबाबत तक्रार दाखल केली.
