वैशाली ठक्कर आत्महत्त्या प्रकरणात फरार आरोपी पोलिसांच्या ताब्यात, काय होते वैशालीसोबतचे नाते?
वैशाली ठक्कर आत्महत्या प्रकरणात ज्या तरुणाचे वारंवार नाव समोर येत होते त्याला अटक करण्यात पोलिसांना यश आले आहे.
इंदूर, टीव्ही अभिनेत्री वैशाली ठक्कर आत्महत्या (Vaishali Thakkar Suicide Case) प्रकरणातील फरार आरोपी राहुल नवलानी (Rahul Navlani) याला इंदूर पोलिसांनी अटक केली आहे. इंदूर पोलिसांनी राहुल आणि त्याची पत्नी दिशा नवलानी यांच्यावर प्रत्येकी 5000 रुपयांचे बक्षीस जाहीर केले होते. इंदूरचे पोलीस आयुक्त हरिनारायण चारी मिश्रा यांनी वैशाली ठक्कर आत्महत्या प्रकरणातील फरार आरोपी राहुल नवलानीच्या अटकेला दुजोरा दिला आहे. त्यांनी सांगितले की, इंदूर पोलिसांनी या प्रकरणाच्या तपासासाठी तीन पथके तयार केली आहेत.
पोलिसांनी जारी केली होती लुकआउट नोटीस
पोलिसांना या घटनेची माहिती मिळेपर्यंत पाच ते सहा तास आधी आरोपी पळून गेले होते. या प्रकरणात पोलिसांना यश आले असून या घटनेतील मुख्य आरोपी राहुल नवलानी याला अटक करण्यात आली आहे. या घटनेबाबत त्याच्याकडे चौकशी करण्यात येत आहे. त्याला इंदूरमधूनच अटक करण्यात आली आहे, मात्र यादरम्यान तो आणखी काही ठिकाणी थांबल्याची माहिती आहे.
ते म्हणाले की अशी काही माहिती पोलिसांना मिळाली होती त्यानंतर आरोपीसाठी लुकआउट नोटीस जारी करण्यात आली आणि पोलिसांनी वेळीच त्याला अटक केली.
वैशालीच्या आईने केले आहेत हे आरोप
वैशाली ठक्कर आत्महत्या प्रकरणात मंगळवारी वैशालीच्या आईने प्रसारमाध्यमांशी बोलताना आरोप केला की, ज्या मुलीने 8 दिवसांपूर्वी तिच्या मित्राला आत्महत्या करण्यापासून रोखले होते, तिचा किती छळ झाला असावा, की की आत्महत्येचे पाऊल उचलले.
पत्रकारांशी बोलताना वैशाली ठक्करची आई अन्नू कौर ठक्कर यांनी सांगितले की, पहिल्या लॉकडाऊननंतर वैशाली आणि राहुल नवलानी यांची भेट इंदूरमध्ये झाली होती. दोघांची मैत्री वाढत गेली. राहुल आधीच विवाहित असल्याने, ज्याला दोन मुले आहेत, त्याने वैशालीला सांगितले की मी माझ्या पत्नीला घटस्फोट देऊन लग्न करेन, परंतु जेव्हा वैशालीला समजले की हे होऊ शकत नाही तेव्हा तिने स्वतःला त्याच्यापासून दूर केले. मात्र त्यानंतर राहुल वैशालीला त्रास देऊ लागला.
