एकीवरच दोघांचा जीव जडला होता, मग मुलीचे प्रेम मिळवण्याच्या वादात भररस्त्यात जे घडलं त्याने सर्व हादरले !

प्रेमाच्या जाळ्यात ओढत महिलेला लाखोंचा गंडा

सूरज / 19 ऑगस्ट 2023 : सूरतमध्ये एक धक्कादायक घटना उघडकीस आली आहे. प्रेमसंबंधातून भररस्त्यात एका तरुणाची हत्या केल्याची घटना घडली. या घटनेमुळे परिसरात एकच खळबळ उडाली आहे. मयत तरुणाच्या मित्राने मोबाईलमध्ये ही थरारक घटना कैद केली आहे. पोलिसांनी आरोपीला अटक केली आहे. अजहरुद्दीन ऊर्फ अजहर अहमद असे आरोपीचे नाव आहे. तर बादल ऊर्फ पार्थ रमेश अहिरकर असे पीडिताचे नाव आहे. पोलिसांनी मृतदेह ताब्यात घेत शवविच्छेदनासाठी रुग्णालयात पाठवला आहे.

काय आहे प्रकरण?

नानपुरा परिसरातील पटेल चेंबरच्या पाचव्या मजल्यावर तरुणीच्या भावाची बर्थडे पार्टी होती. या बर्थडे पार्टीला तरुणीचा प्रियकर अजहर अहमद आला होता. तसेच मयत बादलही आला होता. बादलही तरुणीवर प्रेम करत होता आणि त्याचे प्रेमसंबंध स्वीकरण्यासाठी दबाव टाकत होता. ही बाब अजहरलाही माहिती होती. यामुळे पार्टीत त्यांची भेट झाल्यानंतर त्यांच्यामध्ये वाद झाला. पार्टी संपल्यानंतर तिघेही घरी जायला निघाले.

पार्टी हॉलमधून बाहेर आल्यानंतर पुन्हा त्यांच्यात वाद झाला. अजहरने बादलवर चाकूने हल्ला केला. या हल्ल्यात बादलचा जागीच मृत्यू झाला. यावेळी बादलसोबत असलेल्या त्याच्या मित्राने मोबाईलमध्ये हल्ल्याची घटना कैद केली. आरोपीने त्याच्यावरही हल्ला करण्याचा प्रयत्न केला. मात्र तो पळून जाण्यास यशस्वी झाल्याने बचावला आहे. घटनेची माहिती मिळताच पोलिसांनी घटनास्थळी धाव घेत मृतदेह ताब्यात घेतला. आरोपीला अटक केली आहे.