माहेरी गेलेल्या पत्नीचा फोटो फेसबुकवर पाहून संताप, तीन मुलांची हत्या करुन पित्याची आत्महत्या

धारदार हत्याराने त्यांच्या गळ्यावर वार करुन या पित्याने आपल्या मुलांचा जीव घेतला. त्यानंतर त्याने स्वत:वरही वार करुन आत्महत्या केली.

Nupur Chilkulwar | Updated on: Jun 28, 2020 | 6:36 PM

वसई : नालासोपाऱ्यात जन्मदात्या पित्यानेच आपल्या (Father Brutally Killed Three Children) तीन मुलांची हत्या केल्याची धक्कादायक घटना घडली. धारदार हत्याराने त्यांच्या गळ्यावर वार करुन या पित्याने आपल्या मुलांचा जीव घेतला. त्यानंतर त्याने स्वत:वरही वार करुन आत्महत्या केली. लॉकडाऊनच्या काळात सोडून गेलेल्या पत्नीचा फोटो दुसऱ्याच्या फेसबुकवर पाहून रागाच्या भरात त्याने हे कृत्य केल्याचं उघड झालं आहे (Father Brutally Killed Three Children).

याप्रकरणी पित्यावर हत्येचा आणि आत्महत्येचा गुन्हा तुळिंज पोलीस ठाण्यात दाखल करण्यात आला आहे. तुळिंज पोलीस याप्रकरणाचा अधिक तपास करत आहेत.

या हत्याकांडात 12 वर्षांचा नयन, 7 वर्षांची नदनी आणि 3 वर्षांची नयना या चिमुकल्यांना आपला जीव गमवावा लागला आहे. तर 35 वर्षांचा कैलास परमार, असे हत्या करुन आत्महत्या करणाऱ्या पित्याचे नाव आहे (Father Brutally Killed Three Children). नालासोपारा पूर्वेकडिल डॉन लेन बाबुलपाडा परिसरात श्वेता कॉलनीमध्ये कैलास परमार यांनी राहत्या घरी आपल्या मुलांची हत्या करुन आत्महत्या केली. शनिवारी (27 जून) रात्री साडे आठच्या सुमारास ही घटना उघड झाली.

आपल्याच चिमुरड्यांची हत्या करुन आत्महत्या करणारा कैलास परमार हा आपल्या कुटुंबियांसोबत भाड्याने राहात होता. पत्नीसोबत तो लसूणचा व्यवसाय करत होता. लॉकडाऊनच्या काळात घरातील कौटुंबिक वादातून त्याची पत्नी दीड महिन्यांपूर्वी एका मुलासह पतीला सोडून आपल्या माहेरी गेली. कैलास परमार तीन मुलांसह राहात होता.

त्याच्या पत्नीचा फोटो एका व्यक्तीच्या फेसबुकवर त्याने पाहिला. पत्नी सोडून गेली, तिचा फोटो दुसऱ्याच्या फेसबुकवर दिसल्याने त्याने तणावाखाली या हत्या केल्याचा प्राथमिक अंदाज पोलिसांनी वर्तविला आहे. सध्या कैलास परमार याच्यावर गुन्हा दाखल करुन नालासोपाऱ्यातील तुळिंज पोलीस याचा तपास करत आहेत (Father Brutally Killed Three Children).