लातुरात थरार, अनैतिक संबंधातून पतीची हत्या, मग पत्नीची आत्महत्या, अखेर प्रियकरानेही स्वतःला संपवलं

लातूर : अनैतिक संबंधात अडसर ठरणाऱ्या पतीची प्रियकराच्या साथीने हत्या केल्यानंतर उद्विग्न पत्नीने आत्महत्या केली. प्रेयसीने आत्महत्या केल्यामुळे पोलिसांचा ससेमिरा चुकवण्यासाठी प्रियकरानेही स्वतःला संपवलं. लातूरमध्ये एकमेकांमध्ये गुंतलेल्या मृत्यूच्या या तीन थरारक घटना समोर आल्या आहेत. (Latur Wife Murders Husband later Commits Suicide Boyfriend Kills Self)

लातूर जिल्ह्यामधील रेणापूर तालुक्यातील खरोळा भागात अनैतिक संबंधातून तिघांच्या आयुष्याची अखेर झाली. पत्नी आणि प्रियकराने मिळून पतीची निर्घृण हत्या केली. त्यानंतर पत्नी आणि प्रियकराने एकापाठोपाठ एक आत्महत्या केल्या. पतीचा मृतदेह आढळल्यानंतर एकामागून एक घटनेचे गूढ उलगडत गेले.

खरोळा भागात असलेल्या एका कोरड्या विहरीत लखन राऊतराव या विवाहित युवकाचा मृतदेह आढळल्याने गावात एकच खळबळ उडाली होती. साडीने हातपाय बांधून मृतदेह पोत्यात दफन केलेल्या अवस्थेत होता. हा मृतदेह आढळल्यानंतर खरोळा गावात मनिषा राऊतराव आणि विजय छपरे यांनी केलेल्या आत्महत्येचं गूढ उकललं.

हेही वाचा : पिंपरीत 20 वर्षीय युवकाची प्रेम प्रकरणातून हत्या

विजय आणि मनिषा यांचे अनैतिक संबंध होते. मनिषाचा पती लखन हा यामध्ये अडसर ठरत होता, त्यामुळे मनिषा आणि विजय या दोघांनी मिळून त्याची हत्या केली आणि मृतदेह दफन केल्याचा आरोप आहे. मात्र स्वतःच्याच पतीची हत्या केल्याने व्यथित झालेल्या मनिषाने स्वतःही आत्महत्या केली.

मनिषाच्या आत्महत्येनंतर विजयला पोलिसांनी चौकशीला बोलावले होते. मात्र पोलिसांचा ससेमिरा मागे लागण्याच्या भीतीने विजय छपरे यानेही आत्महत्या केली. या दोन आत्महत्या झाल्यानंतर लखनचा मृतदेहही सापडला आणि अनैतिक संबंधाचा त्रिकोण पोलिसांना उलगडला.

या घटनेने विजय छपरेसह मनिषा आणि लखन यांचाही संसार होरपळला. त्यांची लहान मुलं उघड्यावर आली, तर मनिषा-विजयच्या अविचारी कृत्याने तिघांचा घात झाला.

VIDEO : Nashik Crime | नाशिकमध्ये दरोडेखोरांचा सिनेस्टाईल पाठलाग, अट्टल चोर पोलिसांच्या ताब्यात https://t.co/UDmVMShObf

— TV9 Marathi (@TV9Marathi) June 9, 2020

(Latur Wife Murders Husband later Commits Suicide Boyfriend Kills Self)