अहमदनगर शहरातील मतमोजणी संपली आहे. निलेश लंके यांना 74263 मते तर सुजय विखे 1 लाख 5 हजार 849 मते मिळाली आहेत. नगर शहरात विखे यांना 31586 मतांची आघाडी आहे. परंतु 22 व्या फेरीत निलेश लंके यांची 18,355 मतांची आघाडी आहे. निलेश लंके यांना 5 लाख 60 हजार 134 मते मिळाली. सुजय विखे यांना 5,41,779 मते मिळाली.
अहमदनगर लोकसभा मतदार संघात भाजपचे सुजय विखे यांना 1 लाख 31 हजार 211मते तर महाविकास आघाडीचे निलेश लंके यांना 1 लाख 21 हजार 348 मते मिळाली आहेत. पाचव्या फेरी अखेर दोन्ही उमेदवारांमध्ये ‘कांटे की टक्कर’ सुरु आहे. पाचव्या फेरी अखेर सुजय विखे यांना 9863 मतांनी आघाडीवर आहेत.
लोकसभा निवडणुकीसाठी (Lok Sabha Election 2024) मंगळवार मतमोजणी झाली. अहमदनगर लोकसभा मतदारसंघात (Ahmednagar Lok Sabha Constituency) दुरंगी लढत झाली. महायुतीकडून डॉ. सुजय विखे पाटील (BJP Sujay Vikhe Patil) आणि महाविकास आघाडीकडून निलेश लंके (NCP Nilesh Lanke) यांच्यात लढत झाली. निलेश लंके राष्ट्रवादी काँग्रेस अजित पवार गटाचे आमदार होते. परंतु निवडणुकीपूर्वी ते शरद पवार गटात दाखल झाले. त्यानंतर महाविकास आघाडीकडून शरद पवार यांनी त्यांना उमेदवारी दिली. एक खासदार तीन आमदारांसह अहमदनगर मतदार संघावर भाजपचे प्राबल्य आहे. अहमदनगर लोकसभा मतदारसंघामध्ये शेवगाव, राहुरी, पारनेर, नगर शहर, श्रीगोंदा, कर्जत-जामखेड मतदार संघ येतात.
2009 पासून अहमदनगर मतदार संघात भाजपचे वर्चस्व राहिले आहे. 2009 मध्ये भाजपकडून दिलीपकुमार मनसुखलाल गांधी विजयी झाले. त्यांनी राष्ट्रवादीचे शिवाजी कर्डिले यांचा पराभव केला. त्यानंतर 2014 मध्ये पुन्हा दिलीप गांधीच विजयी झाले. त्यांना 605,185 मते मिळाली तर विरोधी राष्ट्रवादी काँग्रेसचे राजीव राजळे यांना 3,96,063 मते मिळाली होती. त्यानंतर 2019 मध्ये भाजपने दिलीप गांधी ऐवजी सुजय विखे पाटील यांना उमेदवारी दिली. परंतु त्यानंतर भाजपची विजयाची परंपरा चालू राहिली. सुजय विखे यांनी विक्रमी 704,660 मते घेत विजय मिळवला तर विरोधी राष्ट्रवादीचे संग्राम जगताप यांना 4,23,186 मते मिळाली.
लोकसभा निवडणूक निकाल 2024 LIVE मतमोजणी अपडेट्स